Foto: Balasın joğaltqan ana. / Äl-Jazira

Kaşmirdıñ Ündistannıñ baqılauındağı Şrinagar aymağında 2 mıñ 80 jerlengen mäyitterdiñ tegi belgisiz. Osı öñirdegi Adam qwqıqtarı jönindegi ükimettik emes wyım jergilikti bilikten qaza bolğan azamattardıñ denesin tekserip, olardıñ arasında Ündistan men Päkistan arasındağı ondağan jıldarğa sozılğan qaqtığıstar kezinde iz-tüzsiz joğalğan 8 mıñ adamnıñ qatarındağılar joqtığına köz jetkizudi talap etti. Bwl turalı Äl-Jazira aqparattıq agenttigi jazdı. 

Kaşmirdegi joğalğan azamattardıñ ata-analarınan qwralğan qauımdastıq Ündistan men Päkistan arasındağı jürgizilgen bölinis sızığınıñ boyınan 3 mıñ 844 belgisiz mola tabılğanın habarlağan. Adam qwqıqtarı jönindegi wyım Ükimettiñ kömeginsiz osınday 53 jerleu ornın qazıp, deneni eksgumaciyalau nätijesinde qaza tapqandardıñ 49-ı beybit twrğın ekeni anıqtalğanın jetkizdi. Olardıñ qatarında jergilikti äskeri qızmetker de bolğan. Qoğam belsendileriniñ mälimetinşe, Kaşmir biligi bwl adamdardı şeteldik äskeri küşterdiñ ökilderi dep jerlegen.

Ükimettiñ adam şığının jasırıp qaluğa tırısatın äreketteri Adam qwqıqtarı jönindegi wyım tarapınan qatañ sınğa alındı. Olar belgisiz molalardı qazıp, jerlengenderdiñ tegin anıqtau jaqınınan qol üzip, äli künge öli-tirisin bile almay otırğan köp otbasınıñ negizgi swraqtarına jauap aluğa kömektesedi dep esepteydi. Osıdan bwrın Ündistan ieligindegi Kaşmir biligi joğalğan jastardı qarulı qaqtığısqa jattığu üşin Päkistan tarapına qaray şekara asıp ketken boluı mümkin degen boljam aytqan bolatın.

Kaşmirdi böliske sala almağan Ündistan men Päkistan arasındağı territoriyalıq dau bwrınnan jalğasıp keledi. Ündistannıñ qarauındağı Kaşmir aumağında qwrılğan basqınşılar tobı 1989 jıldan beri täuelsizdik üşin küresip keledi. Ündistannıñ 500 mıñğa juıq äskeri ornalasqan öñirdegi qaqtığıstar äserinen büginge deyin 70 mıñ adam qaza tapqan.

“The Qazaq Times”