Foto: cnn.com

AQŞ-tıñ äue küşteri V-1 bombılauşı wşağı Japoniya men Oñtüstik Koreyanıñ äue-joyğış qwraldarınıñ qatısuımen Korey jartıtübegi üstinen wşıp ötip, oqu-jattığu jwmıstarın jürgizgen. Bwl Soltüstik Koreya tarapınan qatañ sınğa wşıradı. Bwl turalı CNN aqparattıq agenttigi jazdı. 

"Donal'd Tramptıñ Japoniyağa soñğı saparı men odaqtas elder tarapınan jii wyımdastırılıp jürgen äskeri jattığular Soltüstik Koreyağa qauip töndirudiñ amalı". Osınday mälimdemeler KHDR-dıñ memlekettik basılımdarında jariyalandı. Onda: "Amerikanıñ bwzaqı imperialisteri Soltüstik Koreyanıñ közin joyu üşin özderiniñ yadrolıq qaruları men qauip töndiru operaciyalarınan bas tartar emes", - delingen.

AQŞ-tıñ üzilissiz bombılau wşağı eldiñ äskeri äue qwrılğılarınıñ işindegi quattısı sanaladı. Kapitan Kendis Dillit mwnday quattı qarudı äskeri jattığu kezinde qoldanu soñğı bolğan jağdaylarğa jauap ne Soltüstik Koreyağa qarsı qauip töndiru şarası dep qabıldau dwrıs emestigin aytadı. Ol Japoniya jäne Oñtüstik Koreyamen AQŞ arasındağı integraciyalıq kelisim ayasında jattığuğa qatısatın qarular tizimi äldeqaşan bekitilip, josparğa engizilip qoyğanın jetkizdi.

“The Qazaq Times”