اقش-تىڭ ۇزدىكسىز بومبالاۋ ۇشاعى سولتۇستىك كورەيانىڭ سىنىنا ۇشىرادى

اقش-تىڭ اۋە كۇشتەرى ۆ-1 بومبىلاۋشى ۇشاعى جاپونيا مەن وڭتۇستىك كورەيانىڭ اۋە-جويعىش قۇرالدارىنىڭ قاتىسۋىمەن كورەي جارتىتۇبەگى ۇستىنەن ۇشىپ ءوتىپ، وقۋ-جاتتىعۋ جۇمىستارىن جۇرگىزگەن. بۇل سولتۇستىك كورەيا تاراپىنان قاتاڭ سىنعا ۇشىرادى. بۇل تۋرالى CNN اقپاراتتىق اگەنتتىگى جازدى. 

"دونالد ترامپتىڭ جاپونياعا سوڭعى ساپارى مەن وداقتاس ەلدەر تاراپىنان ءجيى ۇيىمداستىرىلىپ جۇرگەن اسكەري جاتتىعۋلار سولتۇستىك كورەياعا قاۋىپ ءتوندىرۋدىڭ امالى". وسىنداي مالىمدەمەلەر كحدر-دىڭ مەملەكەتتىك باسىلىمدارىندا جاريالاندى. وندا: "امەريكانىڭ بۇزاقى يمپەرياليستەرى سولتۇستىك كورەيانىڭ كوزىن جويۋ ءۇشىن وزدەرىنىڭ يادرولىق قارۋلارى مەن قاۋىپ ءتوندىرۋ وپەراتسيالارىنان باس تارتار ەمەس", - دەلىنگەن.

اقش-تىڭ ءۇزىلىسسىز بومبىلاۋ ۇشاعى ەلدىڭ اسكەري اۋە قۇرىلعىلارىنىڭ ىشىندەگى قۋاتتىسى سانالادى. كاپيتان كەنديس ديلليت مۇنداي قۋاتتى قارۋدى اسكەري جاتتىعۋ كەزىندە قولدانۋ سوڭعى بولعان جاعدايلارعا جاۋاپ نە سولتۇستىك كورەياعا قارسى قاۋىپ ءتوندىرۋ شاراسى دەپ قابىلداۋ دۇرىس ەمەستىگىن ايتادى. ول جاپونيا جانە وڭتۇستىك كورەيامەن اقش اراسىنداعى ينتەگراتسيالىق كەلىسىم اياسىندا جاتتىعۋعا قاتىساتىن قارۋلار ءتىزىمى الدەقاشان بەكىتىلىپ، جوسپارعا ەنگىزىلىپ قويعانىن جەتكىزدى.

“The Qazaq Times”