Foto: Reuters

Katar Parsı şığanağındağı sayasi dağdarıstıñ şeşilgenin qalaydı. Bwl turalı Katar Sırtqı İster ministrliginiñ mälimdemesinde aytılğan. Äl-Jazira aqparattıq agenttigi jariyalağan resmi mälimdemede Katar özge Arab memleketterimen salqın qarım-qatınasına qaramastan, dağdarıs bastalğan alğaşqı künnen bastap, "jaugerşilik poziciyadan" aulaq bolğanı aytılğan. 

Oğan dälel retinde Katar ämiri Tamim bin Hamad äl-Tanidiñ 2017 jılı 21 şildede  "Qalıptasqan jağdaylarğa qaramastan Parsı şığanağınıñ belgilerin böten maqsatta paydalanu, qorlaudan aulaq bolıñdar!" delingen öz halqına jasağan ündeui keltirilgen. Katar kelissözder men beybit şeşimderge dayın ekendigin, onıñ aylar boyı jalğasqan teke-tiresi  öziniñ täuelsizdigi men wlttıq qwndılıqtarınıñ basqa Arab elderi tarapınan qwrmettelgenin qalağandıqtan bolğanın jetkizdi.

Ötken aptada Kuveyt ämiri barlıq taraptardı sayasi dağdarıstı şeşuge bar küşin saluğa şaqırıp edi. Ol öz sözinde: "Biz bwl dağdarıstıñ saldarı qanday boluı mümkin ekenin boljay almaymız. Degenmen eger eskalaciya men äskeri qadamdar bastalsa, bwl Parsı şığanağına şeteldik intervenciya jasaluına wlasuı mümkin", -  dedi.

“The Qazaq Times”