فوتو: Reuters

كاتار پارسى شىعاناعىنداعى ساياسي داعدارىستىڭ شەشىلگەنىن قالايدى. بۇل تۋرالى كاتار سىرتقى ىستەر مينيسترلىگىنىڭ مالىمدەمەسىندە ايتىلعان. ءال-جازيرا اقپاراتتىق اگەنتتىگى جاريالاعان رەسمي مالىمدەمەدە كاتار وزگە اراب مەملەكەتتەرىمەن سالقىن قارىم-قاتىناسىنا قاراماستان، داعدارىس باستالعان العاشقى كۇننەن باستاپ، "جاۋگەرشىلىك پوزيتسيادان" اۋلاق بولعانى ايتىلعان. 

وعان دالەل رەتىندە كاتار ءامىرى تاميم بين حاماد ءال-ءتانيدىڭ 2017 جىلى 21 شىلدەدە  "قالىپتاسقان جاعدايلارعا قاراماستان پارسى شىعاناعىنىڭ بەلگىلەرىن بوتەن ماقساتتا پايدالانۋ، قورلاۋدان اۋلاق بولىڭدار!" دەلىنگەن وز حالقىنا جاساعان ۇندەۋى كەلتىرىلگەن. كاتار كەلىسسوزدەر مەن بەيبىت شەشىمدەرگە دايىن ەكەندىگىن، ونىڭ ايلار بويى جالعاسقان تەكە-تىرەسى  وزىنىڭ تاۋەلسىزدىگى مەن ۇلتتىق قۇندىلىقتارىنىڭ باسقا اراب ەلدەرى تاراپىنان قۇرمەتتەلگەنىن قالاعاندىقتان بولعانىن جەتكىزدى.

وتكەن اپتادا كۋۆەيت ءامىرى بارلىق تاراپتاردى ساياسي داعدارىستى شەشۋگە بار كۇشىن سالۋعا شاقىرىپ ەدى. ول ءوز سوزىندە: ء"بىز بۇل داعدارىستىڭ سالدارى قانداي بولۋى مۇمكىن ەكەنىن بولجاي المايمىز. دەگەنمەن ەگەر ەسكالاتسيا مەن اسكەري قادامدار باستالسا، بۇل پارسى شىعاناعىنا شەتەلدىك ينتەرۆەنتسيا جاسالۋىنا ۇلاسۋى مۇمكىن", -  دەدى.

“The Qazaq Times”