Filippin ükimeti Malavi qalasın azat etti. Foto: tver.kp.ru.

Filippinniñ jergilikti uaqıtımen 17 qazan 13:46 şamasında, el prezidenti nöserli jauınğa qaramastan resmi mälimdeme jasap, Malavi qalasınıñ lañkesterden azat bolğanın habarladı. Bwl turalı AQŞ-tıñ Sinovision Net aqparattıq saytı jazdı.

Bes ayğa sozılğan qiyankeski  şayqas arqılı Filippinniñ ükimet armiyası   «Islam memleketi» terrorlıq tobınan eldiñ oñtüstigindegi Mindanao aralına ornalasqan Malavi qalasın qaytarıp aldı.

16 qazan küni Şineykde Filippinniñ qorğanıs ministri Lorenco mälimdeme jariyalap, sol küni tañda ükimet armiyası  Malavi qalasın bes ay boyı qorşap alğan lañkestik wyımnıñ atamandarı Isis Loñ Hapiron jäne Umar Muddi atıp öltirgenin aytqan. Äri DNQ saraptaması arqılı olardıñ mürdeleri naqtı anıqtalğanın alğa tarttı.

Policiya taraularınıñ resmi deregine qarağanda, Hapiron Aziyadağı eñ qauipti dep tanılğan terroristiñ biri. Ol 2001 jılı birneşe AQŞ azamatın barımtalap, bireuin öltirgen. Osıdan keyin ol AQŞ jağınan terrorist retinde izdestirilip, onı twtqındağandarğa 5 million AQŞ dollar köleminde sıyaqı beriletinin jariyalağan.

Ükimet äskerleri twtqındardı aman alıp şığu üşin küş salğan. Alayda, qaqtığıstıñ qiyankeski bolğanı sebepti, tek twtqındağı 16 äyeldi qwtqara alğan. Qwtqaru kezinde 20-dan astam adam jaralanğan. Sodırlardıñ qolınan aman şıqqandar äskerilerge  mañızdı mälimetterdi jetkizip bergen.AQŞ pen Australiya qarulı küşteri de Filippin qosındarına qoldau körsetkeni turalı mälimet bar.

5 ayğa sozılğan qaqtığısta Malavi qalasınıñ köptegen qwrılıstarı bülingen. Bastapqı esepke qarağanda, qalanı qalpına keltiruge keminde 100 million AQŞ dolları ketedi dep boljanuda.

Biıl mamır ayınan beri qaqtığıstan  köz jwmğan qarulılardıñ sanı 1000-nan asqan. Olardıñ işinde 822 adamı terrorlıq top müşeleri bolsa, 162-si ükimet armiyasınıñ sarbazdarı men policiya qızmetkerleri. Jazıqsız bwqaralardan da birneşe on adam qaza tapqan.

Ädilet Ahmetwlı

“The Qazaq Times”