Foto: Reuters

Irannıñ Prezidenti Hasan Ruhani AQŞ-tıñ Prezidenti Donal'd Tramptıñ soñğı mälimdemesine qatıstı pikir bildirip, Iran yadrolıq kelisimde, memlekettik müddelerine säykes bolsa, qalağanınşa qala beretinin habarladı. Bwl turalı Äl-Jazira aqparattıq agenttigi jazdı. 

"Bizdiñ Donal'd Tramptan estigenimiz jañalıq emes, bwrınnan qaytalanıp kele jatqan negizsiz ayıptaular men dälelsiz agressiya", - degen Hasan Ruhani Trampqa jeke bağıttalğan sälemdemesinde iran halqı AQŞ Prezidentinen mwnan artıq dünieni kütpeytinin  habarladı.

Sonday-aq Hasan Ruhani: "Donal'd Tramp halıqaralıq zañdardı oqımağan. Oqığan bolsa, köpjaqtı kelisimderdi bir ğana adam bwza almaytının biler edi. Bwl Iran men AQŞ arasındağı ğana kelisim emes", - dedi.

Hasan Ruhanidiñ "Iran AQŞ-tıñ qoldauına arqa süyep, öz tarihında müldey saylau körmegen diktatorlıq memleket emes" degen sözderi Amerikanıñ jaqın äriptesi Saud Arabiyasın nısanağa alğan siyaqtı.

AQŞ Prezidentiniñ "Iran terrorizmdi qoldap otır" degen ayıptaularına Hasan Ruhani Amerikanıñ Auğanıstan, V'etnam men Iraktağı soğıstarğa sebepsiz aralasqanın alğa tartıp, jauap berdi. Sonday-aq AQŞ-tıñ 1953 jılı Iranda demokratiyalıq jolmen saylanğan Ükimetten bilikti tartıp alu isine qatısın äşkerelep, 1988 jılı 290 Iran azamatınıñ  ölimine sebepker bolğan jolauşı wşağın AQŞ-tıñ äue küşteri atıp tüsirgenin ayttı.

“The Qazaq Times”