http://en.neonetwork.pk

Iran Sırtqı ister ministrliginiñ baspasöz hatşısı Bahram Ğasemi şetel jurnalisterimen swhbattasu kezinde "Keybir memleketter men AQŞ tek özderiniñ paydasın közdieydi" dep ayttı. Bwl turalı «Pars.Aqparat» agenttigi habarlap otır.

Qırküyektiñ 11-i küni jergilikti jäne şeteldik jurnalistermen ötkizilgen otırısta şeteldik sayt tilşileriniñ biri SİM ministri men AQŞ Prezidentiniñ telefondağı swhbatında aytılğan Iranğa qarsı negizsiz uäjderi turalı swrağan. Iranğa qarsı äreketter jaylı qoyğan swraqqa Bahram Ğasemi: «Irannıñ aymaqtağı ıqpalı tabiği  äri öte ayqın. Mädeniet pen örkeniet geografiyalıq şekaralarmen şektelmeydi. Iran jayında aynalada bolıp jatqan pikirtalastar örkenietke qatıstı»,- dep jauap berdi.

Londonda şığatın The Daily Telegraph gazetiniñ «Iran Soltüstik Koreyanıñ zımıran qaru salasına kömektesti» degen uäjine: «Bwl – negizsiz, senuge bolmaytın dünie. Olarğa nazar audaru uaqıttı bosqa ketiru bolıp sanaladı»,- dedi.

Sonday-aq, Iran Sırtqı ister ministrliginiñ baspasöz hatşısı aqparat otırısınıñ basında M'yanma armiyasınıñ rohindja mwsılmandarına qarsı qılmıstarın ayıptap, AQŞ-tağı dauıl men Meksikadağı jer silkinisi oqiğalarına degen ökinişin de bildirdi.

“The Qazaq Times”