http://en.neonetwork.pk

يران سىرتقى ىستەر مينيسترلىگىنىڭ ءباسپاسوز حاتشىسى باحرام عاسەمي شەتەل جۋرناليستەرىمەن سۇحباتتاسۋ كەزىندە "كەيبىر مەملەكەتتەر مەن اقش تەك وزدەرىنىڭ پايداسىن كوزدىەيدى" دەپ ايتتى. بۇل تۋرالى «پارس.اقپارات» اگەنتتىگى حابارلاپ وتىر.

قىركۇيەكتىڭ 11-ءى كۇنى جەرگىلىكتى جانە شەتەلدىك جۋرناليستەرمەن وتكىزىلگەن وتىرىستا شەتەلدىك سايت تىلشىلەرىنىڭ ءبىرى ءسىم ءمينيسترى مەن اقش پرەزيدەنتىنىڭ تەلەفونداعى سۇحباتىندا ايتىلعان يرانعا قارسى نەگىزسىز ۋاجدەرى تۋرالى سۇراعان. يرانعا قارسى ارەكەتتەر جايلى قويعان سۇراققا باحرام عاسەمي: «يراننىڭ ايماقتاعى ىقپالى تابيعي  ءارى وتە ايقىن. مادەنيەت پەن وركەنيەت گەوگرافيالىق شەكارالارمەن شەكتەلمەيدى. يران جايىندا اينالادا بولىپ جاتقان پىكىرتالاستار وركەنيەتكە قاتىستى»،- دەپ جاۋاپ بەردى.

لوندوندا شىعاتىن The Daily Telegraph گازەتىنىڭ «يران سولتۇستىك كورەيانىڭ زىمىران قارۋ سالاسىنا كومەكتەستى» دەگەن ۋاجىنە: «بۇل – نەگىزسىز، سەنۋگە بولمايتىن دۇنيە. ولارعا نازار اۋدارۋ ۋاقىتتى بوسقا كەتىرۋ بولىپ سانالادى»،- دەدى.

سونداي-اق، يران سىرتقى ىستەر مينيسترلىگىنىڭ ءباسپاسوز حاتشىسى اقپارات وتىرىسىنىڭ باسىندا ميانما ارمياسىنىڭ روحيندجا مۇسىلماندارىنا قارسى قىلمىستارىن ايىپتاپ، اقش-تاعى داۋىل مەن مەكسيكاداعى جەر سىلكىنىسى وقيعالارىنا دەگەن وكىنىشىن دە ءبىلدىردى.

“The Qazaq Times”