IIW sammitine qatısuşı basşılar men qonaqtar. Fto: akorda.kz.

Apta soñında bolıp ötken «EKSPO-2017» älemdik körmesiniñ jabılu qarsañında jäne Islam Intımaqtastıq Wyımına müşe elderiniñ ğılım jäne tehnologiya jönindegi birinşi sammiti barısında Qazaqstan Respublikasınıñ prezidenti Nwrswltan Nazarbaev saltanattı jinalısqa kelgen birqatar elder men halıqaralıq wyımdardıñ basşılarımen kezdesti. Bwl turalı Aqordanıñ resmi saytı habarlağan bolatın.

QR prezidenti qabıldağan basşılar arasında Venesuela prezidenti Nikolas Maduro (Qazaqstanğa alğaş ret saparlay kelui), Iran prezidenti Hasan Ruhani,  Gvineya Respublikasınıñ prezidenti Al'fa Konde, Indoneziya Respublikasınıñ vice-prezidenti YUsuf Kalla jäne Auğanstan Islam Respublikasınıñ prezidenti Mohammad Aşrap Ğani qatarlı basşılar bar. Sonımen birge, Islam Damu Bankiniñ prezidenti Bandar ben Mwhammad Handjarmen jäne IIW-nıñ Bas hatşısı YUsef bin Ahmad äl-Oseymindi de qabıldadı.

Bwl retki sammitte 57 islam eliniñ ğalımdarı men basşıları kelip, ğılım-tehnologiyanı damıtu isteri turasında talqılar ötkizdi. Sonımen birge elge saparlay kelgen memleket basşılarımen ekijaqtı sauda-ekonomikalıq, qauipsizdik, qatınas-tasımal isterindegi ıntımaqtastıqtar da jeke-jeke söz boldı. Iran Islam Respublikası, Indoneziya basşılarımen kezdesude taraptardıñ osığan deyin jürgizgen türli ıntımaqtastığın odan sayın tereñdetu mäseleleri qozğaldı. Al, Venesuela basşısı Nikolas Maduro elimizge alğaş ret saparlay kelip, Qazaqstanmen qarım-qatınastı barınşa nığaytuğa nietti ekenin bildirip ketti.

“The Qazaq Times”