Japoniyanıñ AQŞ-tan satıp alğan jaña qorğanıs jüyesi. Foto: cn.wsj.com.

Üş kün bwrınğı Soltüstik Koreya ballistikalıq zımıranı Japon keñistiginen wşıp ötkennen keyin, Japoniya Qorğanıs ministrliginiñ talaptarı boyınşa, jaña zımıran qorğanısı tehnologiyasına 1,6 milliard AQŞ dolları jwmsaldı. Bwl Soltüstik Koreyanıñ su astında ornalasqan zımırandarın jıldam tabuğa bolatın radardı da öz işine qamtidı. Sonday-aq, ballistikalıq zımırandarğa qarsı twra aladı. Bwl turalı The Wall Street Journal basılımı habarlap otır.

Japon qorğanıs ministrligi zımıran qorğanıs qorlarına ötiniş boyınşa 2018 jıldıñ säuir ayına deyingi jıl sayınğı byudjetten şığarılatın bolıp josparlanğan. Bwl talap barlıq radiolokaciyalıq jüyelerdi jetildirudi qamtidı. Aytalıq, jaña radiolokaciyalıq jüyelerdi damıtu jäne joğarı deñgeydegi küşti reaktivti zımıran joldarın tosuğa qabiletti jüyeni satıp alu bolıp tabıladı.

Qazirgi kezde Japoniya ükimetin alañdatıp otırğanı – Japoniyada qoldanıstağı zımırandıq qorğanıs jüyesi Soltüstik Koreyağa birqatar zımırandarına tosqauıl jasauğa qauqarsız qaldı. Japon qorğanıs ministriniñ osı aptadağı mälimetinde, qoldanıstağı keme negizindegi «Aegis» zımıran qorğanıs jüyesin jäne jer üstindegi «Patriot» zımıran keşenin tolıqtıru üşin, Japon ükimeti «Aegis»-tiñ jerdegi qorğanıs jüyesine investiciya saluı kerek delingen.

Japon Qorğanıs ministrliginiñ habarına qarağanda, bwl retki bölingen qarjı qorğanıs byudjetiniñ jalpı tiziminen tıs bolıp otır. Japoniya ükimeti satıp aluğa ümitker bolıp otırğan basqa da qorğanıs jüyeleri de bar. Aytalıq, Oñtüstik Koreya qoldanğalı otırğan «Sad» zımıran qorğanıs jüyesi. Bwl ekeuin de Lockheed Martin Co. (LMT) äskeri önerkäsip orınında öndirilgen.

Bwl ret Japoniya Qorğanıs ministrligi şığarğan qarjı jalpı qorğanıs byudjetiniñ 2,5 payızın wstaydı. Naqtılay aytqanda, 47,6 milliard dollardı qwraydı. Bwl Japoniyanıñ äskeri salağa bölinetin byudjetti 6 qatarınan arttırğanı bolıp sanaladı. Ministrler kabineti jeltoqsan ayınıñ soñğı şeşimin qabıldap, byudjetti bwdan bir tiında kemitpeytin bolğan edi.

“The Qazaq Times”