Foto: Nur.kz

Qwrban ayt nemese Id Äl-Adha mwsılmen halqı üşin jılına bir ret keletin erekşe atalıp ötetin dini mereke. Bwl meyram Oraza ayt meyramınan keyin 70 künnen soñ keledi. Küntizbe boyınşa jıl sayın Qwrban ayt merekesiniñ küni ünemi özgerip otıradı. Meyramnıñ  tarihı qasietti Qwran kitabında jazılğan jäne ol Ibrahim payğambardıñ ömirimen baylanıstırılğan. Al biıl 1 qırküyekke twspa-tws kelgen dini merekeni basqa mwsılman elder qalay ötkizedi?

Türkiya

Maldı qwrbandıqqa şalıp jatqan türikter. Foto: 3rm.info

Qwrban ayt merekesi bwl elde üş kün toylanadı jäne olar tek osınday dini merekelerde ğana demaladı. Jemis jidekterdi keptirip, jaz ayında bärin dayındaydı. Bir apta bwrın qwrbandıqqa arnalğan iri qara maldar satıla bastaydı jäne mereke bastalğannan keyin maldar qwrbandıqqa şalınadı. Onıñ bir böligi kedeylerge jäne jağdayı tömen otbasılarğa taratılıp beriledi. Sonday-aq, erekşeligi - türikter bwl küni dostarınıñ, tuıstarınıñ üyine qonaqqa baradı.

Marokko 

Körneki suret. Foto: aa.com.tr

Marokko Korol'digi - Magribtiñ eñ ejelgi memleketteriniñ biri, ol arab äleminiñ batıs böligin alıp jatır. Bwl elde de basqa elderdegidey qwrban şalu tañ säriden bastaladı. Barlıq mwsılmandar sändi kiinip, ayt namazına baradı. Rabat twrğındarınıñ köpşiligi Hasan (XII ğasırda salınğan) jäne Ülken meşitke (XIV ğasırda salınğan) jinaladı. Sonday-aq, imamnıñ dini uağızdarın tıñdaydı. Merekelik namazben birge qayırımdılıq jasaladı. Namazdan keyin mwsılmandar qaytıs bolğan adamdardı eske alu üşin ziratqa baradı, sodan keyin qwrbandıq şaludı bastaydı. Marokkanıñ merekeni atap ötudegi bastı erekşeligi - muzıka. Olar bwl merekeni de, tipti kündelikti ömirlerin de muzıkamen ärlendiredi.

Mısır

Kairdağı Mwhammed Äli meşiti. Foto: mochaloff.ru

Mısırda negizgi halıq arabtar bolğandıqtan  Qwrban ayt Mekkedegi qajılıqtan keyin üş-tört künnen soñ bastaladı. Olar qoydı nemese tüyeni qwrbandıqqa şalıp, merekelik tağam dayındaydı. Ülken dastarhandar jayılıp, odan kez kelgen adam däm tata aladı. Mereke kezinde dostar men tuıstar bir birine sıylıqtar jasaydı. Meyram bastalğannan keyin mwsılman halıq dostarına, tuıstarına qonaqqa baradı.

Birikken Arab Ämirligi

Körneki suret. Foto: grandtour.ru

Bwl elde Qwrban ayt merekesi erekşe kölemde atalıp ötedi. Qwrbandıq şalınadı. Memlekettik sektordı damıtu ministrliginiñ şeşimi boyınşa, mereke künderi eldiñ barlıq memlekettik jäne municipaldı mekemeleri jabıladı. Mısalı Dubayda 200 türli wlt ökili twratındıqtan, mwnda eki apta boyı Id Äl-Adhanıñ qwndılıqtarın jäne ädet-ğwrıptarın tüsindiretin, sonday-aq birlik ideyasın körsetetin köptegen is-şaralar ötkiziledi. Bwdan bölek Dubaydağı sauda ortalıqtarında birneşe million dirham mölşerindegi jüldeler men lotereyalar oynatıladı. Balalarğa arnalğan köptegen oyın-sauıq şaraları wyımdastırıladı.

Estoniya

Körneki suret. Foto: info-islam.ru

Ondağan jıldar boyı kommunistik qısımda bolğan Estoniya mwsılmandarı Qwrban ayt meyramın atap ötuge erekşe köñil böledi. Al qwrban şalu isi kommunistik rejimnen şıqqannan keyin qolğa alınğan. Id Äl-Adhada auqattı adamdar qoydı nemese siır, tüye siyaqtı iri qaranı qwrbandıqqa şaladı. Estoniya bwl merekeni mwsılmandar men eston qauımdastığınıñ arasındağı qarım-qatınastı nığaytuğa kömektesedi dep esepteydi.

“The Qazaq Times”