Foto: vk.com

Qazaqstanda bir jılda şäy men kofe bağası aytarlıqtay qımbattağan. Alayda bwl qazaqstandıqtardıñ swranısına äser etip otırğan joq.

Energyprom.kz agenttiginiñ mälimetinşe, kofe men şäydiñ bağasınıñ ösimi 16 payızdı qwrağan. Sonday-aq, jartı jıl işinde Qazaqstanğa 62,8 mln dollarğa 17,2 mıñ tonna şäy eksporttalğan. Al tamız ayındağı bağa şildege qarağanda 0,1 payızğa köterilip, 1 kg şäydiñ ortaşa qwnı 2,9 mıñ teñge bolğan.

Şäy eñ qımbat öñir Qostanay. Mwndağı 1 kg önimniñ ortaşa bağası 3,3 mıñ teñge. Almatıda da däl osı bağa. Astana qalasında 1 kg şäydi 3,1 mıñ teñgege satıp aluğa boladı.

Otandıq öndiriste soñğı jıldarda önimdi şığaru aytarlıqtay bäseñdegen. Şäy-kofe şığaru 2015 jıldıñ körsetkişine qarağanda 2016 jılı 9,8 payızğa tömendegen. 2015 jılı öndiris 6,8 payızğa, 2014 jılı 4,7 payızğa qısqarğan.

Osı jıldıñ alğaşqı jartısı boyınşa şäy men kofe importı 21,59 mıñ tonna bolğan jäne 19,5 payızğa joğarı. Onıñ işinde şäy importı 17,22 mıñ tonnanı qwraydı (62,76 mln dollar). İşki narıqta önimderdi şığaru 14,8 payızğa köbeyip, 28,94 mıñ tonnağa jetken.

Qazaqstanğa şäy importtaytın elder: Keniya (25,5 mln dollarğa 6,97 mıñ tonna şäy eksporttağan), Ündistan (22,86 mln dollarğa 6,92 mıñ tonna şäy kelgen) jäne Resey (10,25 mln dollarğa 1,74 mıñ tonna şäy äkelingen).

Ortaşa eseppen ärbir qazaqstandıq jılına 1,6 kg şäy paydalanadı eken.

“The Qazaq Times”