قازاقستاندا ءبىر جىلدا ءشاي مەن كوفە باعاسى ايتارلىقتاي قىمباتتاعان. الايدا بۇل قازاقستاندىقتاردىڭ سۇرانىسىنا اسەر ەتىپ وتىرعان جوق.
Energyprom.kz اگەنتتىگىنىڭ مالىمەتىنشە، كوفە مەن ءشايدىڭ باعاسىنىڭ ءوسىمى 16 پايىزدى قۇراعان. سونداي-اق، جارتى جىل ىشىندە قازاقستانعا 62,8 ملن دوللارعا 17,2 مىڭ توننا ءشاي ەكسپورتتالعان. ال تامىز ايىنداعى باعا شىلدەگە قاراعاندا 0,1 پايىزعا كوتەرىلىپ، 1 كگ ءشايدىڭ ورتاشا قۇنى 2,9 مىڭ تەڭگە بولعان.
ءشاي ەڭ قىمبات ءوڭىر قوستاناي. مۇنداعى 1 كگ ءونىمنىڭ ورتاشا باعاسى 3,3 مىڭ تەڭگە. الماتىدا دا ءدال وسى باعا. استانا قالاسىندا 1 كگ ءشايدى 3,1 مىڭ تەڭگەگە ساتىپ الۋعا بولادى.
وتاندىق وندىرىستە سوڭعى جىلداردا ءونىمدى شىعارۋ ايتارلىقتاي باسەڭدەگەن. ءشاي-كوفە شىعارۋ 2015 جىلدىڭ كورسەتكىشىنە قاراعاندا 2016 جىلى 9,8 پايىزعا تومەندەگەن. 2015 جىلى ءوندىرىس 6,8 پايىزعا، 2014 جىلى 4,7 پايىزعا قىسقارعان.
وسى جىلدىڭ العاشقى جارتىسى بويىنشا ءشاي مەن كوفە يمپورتى 21,59 مىڭ توننا بولعان جانە 19,5 پايىزعا جوعارى. ونىڭ ىشىندە ءشاي يمپورتى 17,22 مىڭ توننانى قۇرايدى (62,76 ملن دوللار). ىشكى نارىقتا ونىمدەردى شىعارۋ 14,8 پايىزعا كوبەيىپ، 28,94 مىڭ تونناعا جەتكەن.
قازاقستانعا ءشاي يمپورتتايتىن ەلدەر: كەنيا (25,5 ملن دوللارعا 6,97 مىڭ توننا ءشاي ەكسپورتتاعان), ءۇندىستان (22,86 ملن دوللارعا 6,92 مىڭ توننا ءشاي كەلگەن) جانە رەسەي (10,25 ملن دوللارعا 1,74 مىڭ توننا ءشاي اكەلىنگەن).
ورتاشا ەسەپپەن ءاربىر قازاقستاندىق جىلىنا 1,6 كگ ءشاي پايدالانادى ەكەن.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى