Izrail'degi palestinalıq twtqındar. Foto: IMEMC News.

Iran aqparat qwraldarınıñ habarlauına sensek, 2017 jıldıñ basınan beri Izrail' äskerleri 3800 palestinalıq azamattı qamauğa alğan. Bwl turalı Palestinanıñ Twtqındar mäselesi jönindegi arnaulı komiteti mälimdep otır, dep jazdı «Pars.Aqparat» agenttiginiñ saytı.

Palestinanıñ Twtqındar isi jönindegi komitet törağası Isa Karaka mälimdemesinde: «Izrail' äskerleri palestinalıq azamattardı twtqındau arqılı olardıñ bütin otbası müşelerin jazalap otır. Bwl olardıñ barlıq Palestina qoğamına degen jaulığı. Bwl äreketteri halıqaralıq zañğa qayşı. Izrail' bwl qadamı arqılı soğıs qılmısın ötkizdi», – dedi.

Atalğan ükimet osı is turasında Batıs elderi men Halıqaralıq qauımdastıqtardıñ ünsiz otırğanın sınğa aldı. Palestinanıñ «al-Zamir» adam qwqığın qorğau wyımınıñ bergen mälimetinde: «7 mıñnan asa palestinalıq asa auır jağdayda qamauda otır», - delingen.

“The Qazaq Times”