يزرايلدەگى پالەستينالىق تۇتقىندار. فوتو: IMEMC News.

يران اقپارات قۇرالدارىنىڭ حابارلاۋىنا سەنسەك، 2017 جىلدىڭ باسىنان بەرى يزرايل اسكەرلەرى 3800 پالەستينالىق ازاماتتى قاماۋعا العان. بۇل تۋرالى پالەستينانىڭ تۇتقىندار ماسەلەسى جونىندەگى ارناۋلى كوميتەتى مالىمدەپ وتىر، دەپ جازدى «پارس.اقپارات» اگەنتتىگىنىڭ سايتى.

پالەستينانىڭ تۇتقىندار ءىسى جونىندەگى كوميتەت توراعاسى يسا كاراكا مالىمدەمەسىندە: «يزرايل اسكەرلەرى پالەستينالىق ازاماتتاردى تۇتقىنداۋ ارقىلى ولاردىڭ ءبۇتىن وتباسى مۇشەلەرىن جازالاپ وتىر. بۇل ولاردىڭ بارلىق پالەستينا قوعامىنا دەگەن جاۋلىعى. بۇل ارەكەتتەرى حالىقارالىق زاڭعا قايشى. يزرايل بۇل قادامى ارقىلى سوعىس قىلمىسىن وتكىزدى»، – دەدى.

اتالعان ۇكىمەت وسى ءىس تۋراسىندا باتىس ەلدەرى مەن حالىقارالىق قاۋىمداستىقتاردىڭ ءۇنسىز وتىرعانىن سىنعا الدى. پالەستينانىڭ «ال-زامير» ادام قۇقىعىن قورعاۋ ۇيىمىنىڭ بەرگەن مالىمەتىندە: «7 مىڭنان اسا پالەستينالىق اسا اۋىر جاعدايدا قاماۋدا وتىر»، - دەلىنگەن.

“The Qazaq Times”