Terrorlıq wyım qwramındağı jasöspirimder. Foto: BBC.

Tayau Şığısta özderin «Islam memleketi» dep atalatın terrorlıq wyım artqa şegindi. Tayau Şığıs elderindegi art-artınan wşırağan sätsizdikter «Islam memleketi» wyımınıñ taban tirer tiyanağın azayttı. Alayda, bwğan qaramastan atalğan terrorlıq top öziniñ eñ jas jauıngerlerin küşti jattığularmen äzirlep jatır. Bwl turalı BBC-diñ resmi saytı habarladı.

Qatıstı mälimetterge süyensek «Islam memleketi» terrorlıq tobı öziniñ 2 mıñnan asa jasöspirim soğıs jasaqtarın küşti dayındıqtan ötkizude. Olardı aldağı uaqıtta türli terrorlıq şabuıldar men soğıstarğa paydalanbaq eken. Tipti älemniñ jer-jerine jekelegen mindettermen taratıp jiberui de mümkin», - deydi Bi-Bi-Si habarında.

Atalğan arnanıñ jurnalisteri kezinde terrorlıq wyımğa aldanıp solardıñ qatarında soğısqan, keyin Europağa qaşıp ketken birneşe jaspen arnaulı swqpat ötkizgen. Joğarıda atalğan mälimetterdi olar osı swqbat barısında aytıp bergen.

“The Qazaq Times”