AQŞ armiyasınıñ Auğanstanda ornalasqan ştabı: «AQŞ äskerileri men Taliban arasında ötken qaraşa ayında Qwndız oblısında orın alğan qaqtığıs turalı tekserister amerikalıq äskerilerdiñ Auğanstan halqınıñ üylerine oq jaudırğanın körsetti»,-dep habarladı.
Keybir aqparat közderi «AQŞ küşteriniñ äue şabuılınan Qwndız oblısındağı bir auılda qarapayım adamdar qaza boldı» dep uäj aytqan soñ tekseris bastaldı. Osı atıs saldarınan 33 qarapayım adam qaza tauıp, 27 adam jaralandı. AQŞ armiyasınıñ Auğanstandağı ştabı tarapınan jürgizilgen tekseris amerikalıq äskerilerdiñ ötken jılğı qaraşanıñ ekisi küni jasağan şabuılında qaza bolğandar men jaralanğandar bwrın aytılğan äue şabuıldarınan emes, bwl äskerilerdiñ Qwndızdağı twrğındardıñ üylerine tikeley oq jaudıruı saldarınan orın alğanın körsetti. Amerikalıq äskeriler osı şabuılda qarapayım adamdardı öltirgennen keyin Auğanstannıñ astanası Kabulda jüzdegen adam AQŞ armiyasınıñ halıqtı qırıp-joyuı men beybastaq äreketterine qarsı şeru ötkizdi. 2015 jıldıñ qazan ayında AQŞ armiyası äue küşteriniñ Qwndız qalasındağı şekarasız därigerler auruhanasına jasağan şabuılında keminde 30 adam qaza bolıp, ondağan adam jaralanğan jağdayda AQŞ-tıñ osı qılmısı orın alıp otır. 2014 jıldıñ ayağında Auğanstanda şeteldik küşterdiñ äskeri missiyası ayaqtalğan soñ AQŞ pen NATO tek Kabul ükimetiniñ resmi ötinişimen ğana Auğanstan armiyasına äueden qoldau körsetu maqsatında äue amaldarın atqaruğa mindetteme alğan jağdayda AQŞ armiyası Auğanstannıñ ärtürli oblıstarındağı, sonıñ işinde Qwndız oblısındağı twrğın audandarğa şabuıldar jasadı. AQŞ armiyasınıñ Auğanstanda ornalasqan ştabı tarapınan amerikalıq äskerilerdiñ tikeley oq jaudıruı saldarınan Qwndız oblısında qarapayım adamdardıñ öltirilgeniniñ moyındaluı – Vaşingtonnıñ Auğanstanda Talibanğa qarsı äskeri amaldarğa aralaspau turalı mindettemesin tağı da bwzğanınıñ bir däleli. AQŞ 2015 jıldıñ basınan bastap tek Kabul ükimetiniñ resmi ötinişimen Auğanstan armiyasınıñ lañkestikke qarsı amaldarına äueden qoldau körsetip, Taliban men basqa da ekstremistik toptarmen tikeley qaqtığısudan bas tartuğa uäde bergen bolatın.
Auğanstanda soğıs jürgizgen 15 jıldıñ işinde Vaşington öz äskerileriniñ Auğanstandağı qılmıstarın zañmen qudalamağan jağdayda AQŞ armiyası ötken qaraşa ayında Qwndız halqınıñ qırıluında amerikalıq äskerilerdiñ tikeley oq jaudıruınıñ qatısı barın moyındap otır. Sol sebepti jäne amerikalıq äskerilerdiñ Auğanstandağı qılmıstar sanınıñ artuına baylanıstı osıdan bwrın Halıqaralıq qılmıstıq sot osı äskerilerdiñ Auğanstandağı qılmıstarı turalı tekseristiñ bastalğanın habarladı. Alayda bwl Aq üydiñ qatañ reakciyasına wşıradı. Halıqaralıq qılmıstıq sot Auğanstandağı äskeri qılmıstar turalı keñ türde tekseris jürgizetini turalı uädesin orındasa, şeteldik küşterdiñ, äsirese amerikalıq äskerilerdiñ qorqınıştı qılmıstarınıñ qırları älemniñ qoğamdıq pikirine odan arı aşıla tüsetin boladı. Amerikalıq äskeriler Auğanstandağı soğıs jıldarı ondağan soğıs qılmısın jasadı. Sonıñ işinde «Qandağar qırğını» degen atpen tanımal qılmıstıq iste 2012 jıldıñ naurız ayınıñ on biri küni tañerteñ Qandağar oblısınıñ Pandjvay audanında Robert Bils esimdi bir amerikalıq sarbaz 18 qarapayım auğandıqtı tikeley oq atıp öltirip, olardıñ denelerin örtep jibergen bolatın. – dep jariyaladı «Fars» aqpart agenttigi.
"The Qazaq Times"
Kiberşabuılğa wşırağan BAQ ökilderi qwqıq qorğau organdarına arız tüsirdi
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Reseydiñ Doneck oblısı Konstantinovka qalasındağı bazarğa şabuılınan 16 adam qaza taptı
Sadır Japarov Istıqköldegi tört pansionattı Özbekstanğa beru sebebin tüsindirdi
Pigojinniñ «Vagner» tobı Mäskeu tübine kelip şeginip ketti