Tall'-Afar qalası. Foto: Telegraf.

Irak ükimet armiyası AQŞ basqaruındağı DAIŞ-ke qarsı küres koaliciyası birlese otırıp, Iraktağı DAIŞ terrorlıq küşterin alastau operaciyasınıñ soñğı bağalauı bir kün bwrın bolıp ötti. Ötken jıldıñ qazan ayında bastalğan Mosul qalasın azat etu şayqası mausım ayına deyin swrapıl soğıs üstinde jalğastı. Qazirgi kezde Mosul qalası Irak ükimetiniñ baqılauına tolıqtay ötip boldı deuge boladı. Endigi maqsattarı soltüstik şığıstağı Tall'-Afardı lañkesterden tazartu bolıp otır.

AQŞ-tıñ CNN arnası, Iraktıñ aqparattıq arnaları sonday-aq, «Türik Tele-Radio» qızmetiniñ resmi sayttarında berilgen aqparattarğa qarağanda, Pentagonda osığan deyingi jäne aldağı DAIŞ wyımına qarsı küres operaciyalarına bağalau otırısı bolıp ötken. DAIŞ-ke qarsı küres koaliciyasınıñ mälimdemeşisi Rayn Dillonnıñ aytuınşa Tall'-Afardı lañkesterden tazartu asa qiındıq tuğızadı eken.

Arnaulı koaliciyanıñ mälimetine qarağanda Tall'-Afar mañında DAIŞ sodırlarınan 2 mıñ adam bar bolıp, şaşırañqı bekinis qwrğan. Bwl DAIŞ wyımınıñ Iraktağı soñğı bekinisi sanalatındıqtan, eldegi barlıq DAIŞ küşteri Tall'-Afardı saqtap qaluğa ne bir qanqwylı äreketterge baruda. Ükimet äskerilerine jarılğış tielgen köliktermen şabuıldau är aptanıñ özinde birneşe ret tuıluda.

Al, terrorlıq wyımnan tazartılğan Mosuldağı jağday birşama dwrıstalıp keledi. Qazir DAIŞ-tıñ Rakkadağı küşteri de älsiregen, sonımen birge tabıs közderi kesilip, baylanıs-tasımal joldarı jabılğan. Osıdan bwrın Irak Qorğanıs ökili «DAIŞ-tıñ Iraktağı küni sanaulı ğana qaldı» dep mälimdeme taratqan bolatın.

“The Qazaq Times”