Foto: BNews.kz

Gruziya Qazaqstan aldındağı memlekettik qarızın osı jıldıñ qırküyek ayınan bastap töley bastaydı. Qarız parij klubı sheması boyınşa, yağni eñ tömengi payız esebinen tölenedi. Bwl turalı Qazaqstannıñ Gruziyadağı tötenşe jäne ökiletti elşisi Ermwhamet Ertisbaev mälimdedi. 

Aqparat boyınşa, Qazaqstan gruziyalıqtarğa 90 jıldardıñ basında 27,5 mln dollar köleminde qarız bergen.

"Ol kezde de bizdiñ memlekettik qazına bos edi. Jağday qiın boldı. Ol kezde eks-prezident Eduard Şevardnadze bilikti qiındıqpen wstap twrdı, bizdiñ prezident oğan tüsinistikpen qarap, qarız berdik. Gruziya bwl qarajatqa mwqtaj boldı. Endi osı jıldıñ qırküyek ayınan bastap Gruziya tarapı Qazaqstan aldındağı memlekettik qarızın ötey bastaydı", - dedi ökiletti elşi.

Onıñ sözinşe, qarızdı töleu boyınşa kelissözder 2013 jılı bastalğan.

"Kelissözder boldı. Olar qarızdı Parij klubı sheması boyınşa eñ tömengi payızben töleydi", - dedi

Parij klubı - 1956 jıldan beri jwmıs istep kele jatqan kredit beruşi elderdiñ beyresmi wyımı. Olardıñ maqsatı - damuşı elderdegi memlekettik qarızdardı qayta qwrılımdau.

“The Qazaq Times”