Mayk Pens jäne Donal'd Tramp. Foto: BBC.com.

Britandıq Reyter agenttiginiñ habarında 6 tamız küni AQŞ vice-prezidenti Mayk Pens öziniñ 2020 jılı AQŞ prezident saylauına qatısqalı jatqanın joqqa şığardı. Äri bwl turalı tarağan aqparattı "döreki daqpırt" dep ayıptadı.

Osıdan bwrın «The New York Times» basılımı keybir Respublikaşıldar partiyasınıñ ökilderi «Köleñke akciyası komandasın» jasaqtap, qazirgi prezident Donal'd Tramptı da şarpığan sayasi top bolıp otır dep habarlağan edi. Sonımen birge, eger prezident Tramp kelesi prezident saylauına qatıspaytın bolsa, Mayk Pensti jaqtauşılar onıñ partiya işindegi ıqpalın arttıra otırıp, prezident saylauına qatısadı dep boljanğan bolatın.

Atalğan basılımda jasalğan boljamdar arasında Mayk Penste tolıqtay jasalğan sayasi küntizbeniñ äli de joq ekenin, ol özi üşin «Wlı amerikalıq komitet» dep atalatın, iri qarjılıq qorlardı qamtığan quattı top qalıptastıru üstinde  degen aytılımdar da bar edi.

Alayda, AQŞ vice-prezidenti bwl aqparattıñ bärin joqqa şığarıp «döreki jalğan aqparat» dep bağaladı. Ol öziniñ bükil komandasınıñ prezident Tramptıñ sayasatın jüzege asıruğa bağıttalğanın atap ötti. Sonımen birge ol komandasımen birge prezident Tramptı 2020 jılğı saylauğa qaytalay qatıstıru jwmıstarın atqarıp jatqandarın aytıp ötti. Ol sözinde: «Bwl maqalada aytılğandardıñ bäri de bütindey oydan qwrastırılğan. Ol kündelikti kezdesip twratın sayasi daqpırt tudıru üşin bireulerdiñ istep otırğanı» dedi.

Alayda, «The New York Times» basılımı özderiniñ boljamdarınıñ şındıqqa jarasatının qaytalay aytıp ötti.

Sol küni Aqüydiñ ağa keñesşisi bwl mäselege arnayı jauap berip, Mayk Penstiñ kelesi prezident saylauğa qatısatının joqqa şığardı. Ol jäne ABC arnasınıñ «This Week» bağdarlamasınıñ swhbatın qabıldağan kezde de, Mayk Penstiñ 2020 jılğı saylauğa qazirgi prezident üşin dayındıq jwmıstarın jasap jatqanın alğa tarttı. Ol on jıldan beri qızmettes bolğan Mayk Pensti öte adal, isker, senimdi vice-prezident dep bağaladı.

“The Qazaq Times”