Foto: youtube.com

AQŞ juırda ğana ötken Soltüstik Koreyanıñ qarulı sınağınıñ soñın ala, qwrlıqaralıq ballistikalıq zımırannıñ sınağın ötkizdi. Kaliforniyadağı Vandenberg äue bazasında ötkiziletin äskeri is-şaralar ädette birneşe apta ne ay bwrın eskertilip, arnayı dayındıq jasalatın. Bwl jolı AQŞ-tıñ sırtqı sayasatında Soltüstik Koreyanıñ äskeri quatın kürt arttıruına baylanıstı tuındağan alañdauşılıqtar äser etken boluı kerek, ayaq astınan tağı bir sınaq qolğa alınıp otır. Bwl turalı APF aqparattıq agenttigi jazadı. 

AQŞ-tıñ äskeri äue küşteriniñ  komandiri: "Bwl sınaq Soltüstik Koreyanıñ äreketine jauap bolmasa da, zımırannıñ äleuetin bağalau AQŞ-tıñ qaruı qauipsiz, tiimdi jäne öz memleketi men odaqtastarın qorğauğa äbden qabiletti ekenin körsetti", - dedi.

Tüngi aspandı qaq jarıp, Oñtüstik Kaliforniyadan wşırılğan zımıran Marşall araldarındağı Kvadjaleyn bağıtında 4 mıñ 200 mil' wşıp ötken.

Atap ötu kerek, Soltüstik Koreyanıñ tolassız jürgizip otırğan zımıran sınaqtarı älemdik qauımdastıqtı alañdatıp otır. Soñğı ötken iri eki sınaqtıñ biri - soğıs qaupi tua qalğan jağdayda Korey tübeginen wşırılğan qaru Alyaskağa, al ekinşisi N'yu-York pen Boston sekildi ülken qalalardı nısanağa aluğa qauqarlı ekenin däleldedi.

“The Qazaq Times”