Foto: bigmir.net

Katar men Parsı şığanağındağı oğan qarsı blokada qwrğan "törttik" arasındağı dau tolastar emes. Katarğa tağılğan san türli ayıptardıñ qatarı Saud Arabiyasınıñ Sırtqı İster ministriniñ "Äl-Arabiya" telearnasına bergen swhbatınan keyin tağı da tolıqtı. Bwl jolı Arab memleketi Katar basşılığına mwsılmandardıñ qasietti qajılığın özge mädenietter men din ökilderine arnap beyimdeu kerek (internacionalau) degen mälimdeme jasadı degen kinä artıp otır. 

Katar ämiri: "Saud Arabiyasınıñ jalğan ayıptarın joqqa şığarudan äbden şarşadıq. Katar eşqaşan qajılıq mäselesin sayasi oyınğa aynaldırğan emes. Saud Arabiyası Parsı şığanağındağı dağdarıs kezinde mwsılmandardıñ Mekkege saparın sayasi maqsattarına paydalanıp otır", -dedi.

Sonday-aq Katar biligi qajılıqqa baratın öz azamattarınıñ Saud Arabiyasında birqatar qiındıqtarğa kezdesip otırğanın jetkizdi.

Öz kezeginde Saud Arabiyasınıñ ökilderi Katardıñ Islam dininiñ qasietti orındarına qatıstı jasağan mälimdemesi memleketke qarsı soğıs aşumen birdey ekendigin aytqan bolatın.

“The Qazaq Times”