Irannıñ orta qaşıqtıqtağı zımırandarı. Foto: mil.huanqiu.com.

AQŞ Qazına departamenti ötken aptanıñ soñında habarlama jariyalap, altı irandıq naqtı twlğağa sankciya salğanın ayttı. Olardıñ qarauınşa bwl atalğan wyımdar men käsiporındar Irannıñ ballistikalıq zımırandı damıtudağı mañızdılığı joğarı. Sonımen birge olar ötken aptanıñ beysenbi küninde Irannıñ sputnik tasımaldauşı raketanı sınaqtan ötkizgenderin alğa tarttı. Bwl turalı «The Wall Street Journal» basılımınıñ onlayn qızmeti jariya etti.

AQŞ jaq bwl retki zımıran wşıru sınağın "Irannıñ auqımdı arandatu isi" dep bağa berdi. Sankciya nısanasında irandıq Shahid Hemmat Industrial Group käsipornına qarastı barlıq kompaniyalar bar. Bwl kompaniya Irandağı eñ auqımdı zımıran bölşekterin öndiretin bolıp tabıladı. Sonday-aq, zımıran janar zatımen qamtamasız etu, orın twraqtandıru sındı mañızdı qızmetteri bar.

Irannıñ ballistikalıq zımırandı damıtu isinen Qwrama Ştat qattı alañdaydı. Öñirdegi Iran ıqpalın arttırmau üşin de türli qısımdar qoldanıp kele jatır. Uaşington tarabı IIR-dıñ zımıran damıtu isine barınşa tosqauıl boluğa tırısıp otır. Iran ballistikalıq zımırandardı damıta alsa, Yemenniñ Saud Arabiyasına zımıran şabuılın jasauğa qoldau berui mümkin dep sanaydı. Aytalıq, ötken aptanıñ soñında Yemenniñ Mekke qalasına bağıttap atqan zımıranı sekildi jağdaylardı aytuğa boladı.

“The Qazaq Times”