اقش يراننىڭ بالليستيكالىق زىمىران ءوندىرۋشى كاسىپورىندارىنا سانكتسيا سالدى

اقش قازىنا دەپارتامەنتى وتكەن اپتانىڭ سوڭىندا حابارلاما جاريالاپ، التى يراندىق ناقتى تۇلعاعا سانكتسيا سالعانىن ايتتى. ولاردىڭ قاراۋىنشا بۇل اتالعان ۇيىمدار مەن كاسىپورىندار يراننىڭ بالليستيكالىق زىمىراندى دامىتۋداعى ماڭىزدىلىعى جوعارى. سونىمەن بىرگە ولار وتكەن اپتانىڭ بەيسەنبى كۇنىندە يراننىڭ سپۋتنيك تاسىمالداۋشى راكەتانى سىناقتان وتكىزگەندەرىن العا تارتتى. بۇل تۋرالى «The Wall Street Journal» باسىلىمىنىڭ ونلاين قىزمەتى جاريا ەتتى.

اقش جاق بۇل رەتكى زىمىران ۇشىرۋ سىناعىن "يراننىڭ اۋقىمدى ارانداتۋ ءىسى" دەپ باعا بەردى. سانكتسيا نىساناسىندا يراندىق Shahid Hemmat Industrial Group كاسىپورنىنا قاراستى بارلىق كومپانيالار بار. بۇل كومپانيا يرانداعى ەڭ اۋقىمدى زىمىران بولشەكتەرىن وندىرەتىن بولىپ تابىلادى. سونداي-اق، زىمىران جانار زاتىمەن قامتاماسىز ەتۋ، ورىن تۇراقتاندىرۋ سىندى ماڭىزدى قىزمەتتەرى بار.

يراننىڭ بالليستيكالىق زىمىراندى دامىتۋ ىسىنەن قۇراما شتات قاتتى الاڭدايدى. وڭىردەگى يران ىقپالىن ارتتىرماۋ ءۇشىن دە ءتۇرلى قىسىمدار قولدانىپ كەلە جاتىر. ۋاشينگتون تارابى ير-دىڭ زىمىران دامىتۋ ىسىنە بارىنشا توسقاۋىل بولۋعا تىرىسىپ وتىر. يران بالليستيكالىق زىمىرانداردى دامىتا السا، يەمەننىڭ ساۋد ارابياسىنا زىمىران شابۋىلىن جاساۋعا قولداۋ بەرۋى مۇمكىن دەپ سانايدى. ايتالىق، وتكەن اپتانىڭ سوڭىندا يەمەننىڭ مەككە قالاسىنا باعىتتاپ اتقان زىمىرانى سەكىلدى جاعدايلاردى ايتۋعا بولادى.

“The Qazaq Times”