Iran prezidenti Hasan Ruhani. Foto: Vestnik Kavkaza.

Iran prezidenti AQŞ-tıñ Iranğa qaratqan jaña sankciyası turalı pikirin bildirdi. «Pars.Aqparat» agenttiniñ habarına qarağanda, Iran prezidenti Hasan Ruhani AQŞ Kongresiniñ Iranğa qaratqan jaña sankciya jobası turalı ayta kelip: «Iran AQŞ-tıñ jaña äreketine kesimdi jauap beretin boladı», – degen pikirin bildirdi.

Iran prezidenti ükimettiñ arnayı otırısında: «AQŞ Iranğa 40 jıldan beri qısım jasap, sankciya salıp keldi. Tipti aymaqtağı körşiles elderdi de aydap salıp, arandatuşılıq tuğızu isteriniñ bäri AQŞ-tıñ jeñilisimen ayaqtalıp keldi. Amerikalıqtar Iran halqımen betpe-bet keludegi jeñilisterinen sabaq aluı kerek», – dedi. Ol tağı: «Eger AQŞ sezimtal Orta-Şığıs aymağı men ondağı mañızdı su joldarı älem üşin qauipsiz bolsın dese, onda Iranğa qaratqan mwnday jaulıq sayasatın doğaruı kerek. Amerika Iran halqınıñ qwqığın qwrmettegende ğana beybitşilikti qolğa keltire aladı», – dedi. Iran ükimetiniñ qarauınşa, AQŞ Irannıñ Orta Şığıs jäne Parsı şığanağındağı ıqpaldı el ekenin moyındağısı kelmeydi.

Esteriñizge sala keteyik, AQŞ Kongresi bir kün bwrın Resey, Iran jäne Soltüstik Koreyağa qaratqan jaña sankciya jobasın maqwldağan bolatın. Bwl AQŞ-tıñ sırtqı sayasatında birqatar jaña özgeristerdi alıp keledi dep kütilude. Seysenbi küni keşte AQŞ Kongresi ökilder palatası 419 dauıspen sankciya jobasın maqwldap, Iranğa bağıttalğan jaña sayasattı jolğa qoydı.

“The Qazaq Times”