N'yu-York BWW ğimaratınıñ aldında narazılıq şeruin bastauşılar. Foto: Twitter-

Izrail'-Palestina qaqtığısı qayta örşigeli twrğan twsta, Amerika Qwrama Ştatındağı pravoslav evreyleri Birikken Wlttar Wyımı ğimaratınıñ aldında Izrail'diñ jolsızdığına qarsı narazılıq akciyasın ötkizdi. Bwl turalı «Türik Tele-Radio» qızmetiniñ resmi saytı jazdı.

N'yu-York qalasındağı BWW ğimaratı aldında jinalğan narazı top qoldarına Palestina tuın köterip, «Palestina palestinalıqtarğa qaytarılsın!» dep wrandadı. Olar Izrail' ükimetiniñ äl-Aqsa meşitinde jasağan şabuılın ayıptap, bitpes qaqtığısqa narazı ekendikterin bildirdi.

Izrail' ükimeti osıdan bwrın äl-Aqsa meşitine mwsılmandardıñ kirip, qwlşılıq etuine şekteu qoyğan bolatın. Bwl birneşe jıldan beri tınıştalıp qalğan Izrail'-Palestina arasındağı qaqtığıstı qayta örşitti.

“The Qazaq Times”