QR Wlttıq banki. Foto: vlast.kz

Qazaqstan Respublikasınıñ Wlttıq Banki bazalıq mölşerlemeni +/-1%-dıq dälizben 10,5% deñgeyinde saqtau turalı şeşim qabıldadı. Bwl turalı bas banktiñ baspasöz qızmeti habarladı.

Retteuşiniñ mälimetinşe, jıldıq inflyaciya deñgeyi Wlttıq Banktiñ boljamdı bağalarımen säykes keledi jäne nısanalı däliz şeñberinde qalıp otır, inflyaciyalıq kütuler twraqtı deñgeyde qalıptasuda.

"Inflyaciyalıq täuekelder jekelegen tauar narıqtarında tuındaytın wsınıs faktorları jäne sırtqı parametrlerdiñ ekonomikanıñ damuınıñ bazalıq scenariyinen auıtquı tarapınan boluı mümkin. Soğan qaramastan, boljamdı inflyaciyanıñ orta merzimdi kezeñdegi bayaulau traektoriyası naqtı payızdıq bazalıq mölşerlemeniñ ekonomikanıñ äleuetti qarqınına säykes keluine baylanıstı qısqa merzimdi perspektivada da, aldağı 12-18 ayda da bazalıq mölşerlemeniñ tömendeu ıqtimaldığın arttıradı", - delingen baspasöz habarlamasında.

Baspasöz qızmetiniñ mälimetinşe, 2017 jılğı mausımda jıldıq inflyaciya 7,5%-dı qwradı jäne Wlttıq Banktiñ nısanalı dälizi şeñberinde (6-8%) saqtaluda. Inflyaciyanıñ ağımdağı jılğı 1-jartıjıldıqta (3,7%) 2016 jılğı 1-jartıjıldıqpen (4,6%) salıstırğanda edäuir tömen bolğan.

Azıq-tülik narığınıñ jekelegen segmentterindegi ahual soñğı aylardıñ qısqa merzimdi inflyaciyalıq täuekeli boldı, alayda jaña önim kezeñiniñ bastaluı azıq-tülik bağalarınıñ jalpı serpinindegi jağımsız ürdisterdi rettedi.

Halıqtıñ inflyaciyalıq kütuleri 2017 jıldıñ basınan beri twraqtılıqtı saqtap otır. Mausımda inflyaciyanıñ bir jıl alğa berilgen sandıq bağası 6,4%-dı qwradı jäne naqtı inflyaciya deñgeyinen tömen, sonday-aq inflyaciya däliziniñ 2018 jılğa arnalğan şeginde qalıp  otır. Mausım ayında jasalğan pikirterim nätijeleri qabıldanatın jıldıq inflyaciya men halıqtıñ bir jıl alğa arnalğan kütuleri azdap tömendegenin körsetti.

Sırtqı tauar narıqtarındağı ahual qwbılmalılığımen sipattaladı. Mwnay bağasınıñ bir barrel' üşin 50 dollardan tömen deñgeyde qalıptasuı jäne mamırda-mausımda älemdik azıq-tülik narıqtarındağı bağa indeksiniñ ösuiniñ, negizinen, süt önimderi men dändi-daqıldardıñ qımbattauı saldarınan jıldamdauı inflyaciyalıq ayanıñ küşeyuine äkep soğuı mümkin.

Salımşılardıñ valyutalıq basımdıqtarı teñgemen aktivterdiñ paydasına saqtaluda. Mausımnıñ aldın ala derekteri boyınşa teñgemen depozitter ülesiniñ valyutalıq depozitter ülesinen asıp ketui odan äri jalğasuda. Teñgemen kreditter ülesiniñ ösui de bayqaluda. Bwl rette
kredittik resurstarğa degen swranıs twraqtı bolıp qaluda jäne mölşerlemelerdiñ birtindep tömendeuimen qatar jürude. Kreditteudiñ qısqa merzimdi serpini bank sektorındağı şoğırlanu procesterimen şektelude.

Bazalıq mölşerleme boyınşa kezekti şeşim 2017 jılğı 21 tamızda Astana uaqıtımen sağat 17:00-de jariyalanadı

“The Qazaq Times”