Foto: ivteleradio.ru

Almatılıqtardıñ jıl basınan beri ıstıq su men jıluğa qarızı 660 mln teñgege juıq. Bereşegin jıldap tölemeytin twrğındar endi jappay kommunaldıq jüyeden ajıratılıp jatır, dep habarlaydı  Almatı telearnası.

Tipti juıq arada kommunaldıq qızmetti der kezinde tölemegender endi nesie ala almay qaluı mümkin. Öytkeni biraz jıldan beri qarastırılıp kelgen mäsele aldağı 2 ayda jüzege asuı ıqtimal.

YAğni nesie beriler aldında azamattardıñ kommunaldıq tölem boyınşa qarızınıñ bar-joqtığı tekseriledi. Mwnday qadamğa körsetken qızmetterine aqı öndire almay jürgen käsiporındar barğan. Bwl şara eñ birinşi Almatı twrğındarına qatıstı qoldanıladı. Sebebi kommunaldıq tölem jasamay jürgender osı qalada köp. Mısalı tek mausım ayınıñ basınan beri qalada 300-ge juıq nısannıñ ıstıq suğa qarızı 35 mln teñgeden asqan.

«Osıdan birneşe jıl bwrın Wlttıq nesie byurosımen birigip, bankterden nesie bererde klienttiñ kommunaldıq tölemderdi töleu qabiletin tekseru mäselesin köterdik. Endi kommunaldıq tölemdi töley almağandar nesieni de jappaydı degen söz. Bankterde nesieni qaytaruda mäsele tuındauı mümkin. Meniñ oyımşa, bir-eki aydıñ kölimende bwl joba jüzege asadı»,- dedi «Almatı Jılu Jüyeleri» JŞS jılu energiyasın ötkizu basqarmasınıñ basşısı, Mahambet Janwzaqov.

Mamandar qarızı bar twrğındardı ıstıq su men jıludan jappay ajıratu kezeñin bastadı. Endi qarızı barlar tolığımen qızmetten qağıladı. Öytkeni, injenerler barınşa halıqtıñ jağdayın tüsinip, osı uaqıtqa deyin eskertu jasap kelgen.

“The Qazaq Times”