Resey AQŞ-tıñ 30-ğa juıq diplomatın eline qaytarıp, Amerikanıñ diplomatiyalıq ielikterin jabu turalı şeşim şığaruı mümkin. Bwl turalı «Izvestiya» basılımı Resey Federaciyası Sırtqı ister ministrligine silteme jasap jazdı.

Atalğan aqparattı memleket Prezidenti Vladimir Putin äli rastağan joq. Osıdan bwrın Barak Obama twsında Resey AQŞ-tağı diplomatiyalıq ielikterine salınğan sankciyanı alıp tastau turalı Donal'd Tramp äkimşiliginiñ oñ jauabına ümit artılıp kelgen. Degenmen eki el basşısınıñ kezdesui kezinde de bwl qayşılıqtıñ ortaq mämilesi tabılmağan siyaqtı. Joğarıda körsetilgen şeşim küşine ense, bwl Reseydiñ AQŞ-tıñ 35 diplomatın elden şığarıp jibergen «äreketine» jauabı boladı.

Aldın-ala kelisim boyınşa juırda Sankt-Peterburgte Resey Sırtqı ister ministriniñ orınbasarı Sergey Ryabkov pen AQŞ memlekettik hatşısınıñ birinşi orınbasarı Tomas Şennon kezdesui kerek. Eger osı kelissözder barısında talqığa tüsip otırğan mäsele şeşimin tappasa, onda AQŞ elşilikteriniñ basına «qara bwlt» üyirilgeli twr.

“The Qazaq Times”