Korey armiyası qanday soğıstan da qaytpaydı. Foto: FB.ru

Soltüstik Koreya Sırtqı ister ministriniñ baspasöz qızmeti 8 qañtar resmi mälimdeme jariyalap, KHDR-nıñ qwrlıqaralıq basqarılmalı zımırandar sınağı  soñğı kezeñge ötkendigin ayttı. Bwl turalı "Şinhuanıñ" resmi saytı habarlaydı.

Bwl Soltüstik Koreyanıñ kez-kelgen uaqıtta qwrlıqaralıq balisstikalıq zımırandardı atuğa dayın ekenin körsetedi. Korey SİM-nıñ mälimdemeşisi jurnalisterdiñ swrağına jauap bergende, «Soltüstik Koreyanıñ bwl jetistigi AQŞ-tıñ neşe on jıldan bergi Soltüstik Koreyanıñ sayasi wstanımına, joğarı biligine qaratqan dwşpandıq sayasatına qarsı jauabı» degendi aşıq ayttı. Ol jäne: «Elimiz sırttan jasalğan qatañ sankciyalarğa qaramastan, özin-özi qorğau qabiletin nığaytu maqsatında, ölşemge tolımdı sutegi bombaları men yadrolıq oqtwmsıqtardı derbes zerttep jasadı, alda qwrlıqaralıq basqarılmalı zımırandardı arı qaray damıta tüsedi» dedi.

Qwrlıqaralıq basqarılmalı zımıran. Foto: The Economic Times

Bwl mälimdeme – Şığıs Aziyada aldağı uaqıtta ornaytın halıqaralıq qayşılıqtardıñ dabılı. AQŞ pen onı jaqtauşı elder üşin barğan sayın küşeyip kele jatqan yadrolıq soğıs qaupi retinde elesteydi. Endigi jerde AQŞ Soltüstik Koreyağa jariyalanatın sankciyalardı tipti qatañdatuğa tırısadı. Tipti, osı üşin özine jaqtasuşı elderdi köbeytedi. Eldiñ  joğarı basşısı Kim Çanın jaña jıl qarsañında söylegen sözinde «bir ğana AQŞ-tan keletin yadrolıq jäne basqada qauipter üşin, yadrolıq qarulardı zerttep-jasau jäne jıl sayınğı äskeri oqu-jattığulardı  toqtatpaymız. Memleket qorğanısı men yadrolıq şabuılğa qabiletti el bolu üşin bwl isti üzdiksiz jalğastıramız» degen bolatın.

Eske sala keteyik, KHDR ötken jılı 6 qañtardan 9 qırküyek aralığında yadrolıq sınaqtar men qwrlıq aralıq basqarılmalı zımrandar atu sınaqtarın jasağan . BWW Qauipsizdik Keñesi №2270 jäne №2321 Qaulılar arqılı resmi P'henyannıñ bwl isin qatañ ayıptağan. Soltüstik Koreyanıñ yadrolıq sınaqtarı men qwrlıqaralıq basqarılmalı raketalardı damıtuğa qarsı sankciyalar jariyalağan.

"The Qazaq Times"