سولتۇستىك كورەيا: جاڭا يادرولىق سوعىس قاۋپى

سولتۇستىك كورەيا سىرتقى ىستەر ءمينيسترىنىڭ ءباسپاسوز قىزمەتى 8 قاڭتار رەسمي مالىمدەمە جاريالاپ، كحدر-نىڭ قۇرلىقارالىق باسقارىلمالى زىمىراندار سىناعى  سوڭعى كەزەڭگە وتكەندىگىن ايتتى. بۇل تۋرالى "شينحۋانىڭ" رەسمي سايتى حابارلايدى.

بۇل سولتۇستىك كورەيانىڭ كەز-كەلگەن ۋاقىتتا قۇرلىقارالىق باليسستيكالىق زىمىرانداردى اتۋعا دايىن ەكەنىن كورسەتەدى. كورەي ءسىم-نىڭ مالىمدەمەشىسى جۋرناليستەردىڭ سۇراعىنا جاۋاپ بەرگەندە، «سولتۇستىك كورەيانىڭ بۇل جەتىستىگى اقش-تىڭ نەشە ون جىلدان بەرگى سولتۇستىك كورەيانىڭ ساياسي ۇستانىمىنا، جوعارى بيلىگىنە قاراتقان دۇشپاندىق ساياساتىنا قارسى جاۋابى» دەگەندى اشىق ايتتى. ول جانە: «ەلىمىز سىرتتان جاسالعان قاتاڭ سانكتسيالارعا قاراماستان، ءوزىن-ءوزى قورعاۋ قابىلەتىن نىعايتۋ ماقساتىندا، ولشەمگە تولىمدى سۋتەگى بومبالارى مەن يادرولىق وقتۇمسىقتاردى دەربەس زەرتتەپ جاسادى، الدا قۇرلىقارالىق باسقارىلمالى زىمىرانداردى ارى قاراي دامىتا تۇسەدى» دەدى.

قۇرلىقارالىق باسقارىلمالى زىمىران. فوتو: The Economic Times

بۇل مالىمدەمە – شىعىس ازيادا الداعى ۋاقىتتا ورنايتىن حالىقارالىق قايشىلىقتاردىڭ دابىلى. اقش پەن ونى جاقتاۋشى ەلدەر ءۇشىن بارعان سايىن كۇشەيىپ كەلە جاتقان يادرولىق سوعىس قاۋپى رەتىندە ەلەستەيدى. ەندىگى جەردە اقش سولتۇستىك كورەياعا جاريالاناتىن سانكتسيالاردى ءتىپتى قاتاڭداتۋعا تىرىسادى. ءتىپتى، وسى ءۇشىن وزىنە جاقتاسۋشى ەلدەردى كوبەيتەدى. ەلدىڭ  جوعارى باسشىسى كيم چانىن جاڭا جىل قارساڭىندا سويلەگەن سوزىندە «ءبىر عانا اقش-تان كەلەتىن يادرولىق جانە باسقادا قاۋىپتەر ءۇشىن، يادرولىق قارۋلاردى زەرتتەپ-جاساۋ جانە جىل سايىنعى اسكەري وقۋ-جاتتىعۋلاردى  توقتاتپايمىز. مەملەكەت قورعانىسى مەن يادرولىق شابۋىلعا قابىلەتتى ەل بولۋ ءۇشىن بۇل ءىستى ۇزدىكسىز جالعاستىرامىز» دەگەن بولاتىن.

ەسكە سالا كەتەيىك، كحدر وتكەن جىلى 6 قاڭتاردان 9 قىركۇيەك ارالىعىندا يادرولىق سىناقتار مەن قۇرلىق ارالىق باسقارىلمالى زىمراندار اتۋ سىناقتارىن جاساعان . بۇۇ قاۋىپسىزدىك كەڭەسى №2270 جانە №2321 قاۋلىلار ارقىلى رەسمي پحەنياننىڭ بۇل ءىسىن قاتاڭ ايىپتاعان. سولتۇستىك كورەيانىڭ يادرولىق سىناقتارى مەن قۇرلىقارالىق باسقارىلمالى راكەتالاردى دامىتۋعا قارسى سانكتسيالار جاريالاعان.

"The Qazaq Times"