Filippindegi lañkestik şabuıl. Foto: The Wall Street Journal.

AQŞ Qorğanıs küşteri Tınıq mwhit äskeri qolbasşılıq bas ştabınıñ qolbasşısı, general Harri Harristiñ eskertu jasap, «Islam memleketi» terrorlıq wyımdarınıñ jaqtastarı bolıp sanalatın jihatşılar Filippinniñ oñtüstiginde äreket jasap, Aziyanı dürliktiruge äreket jasamaq dedi. Orta Şığıstan oralğan jihadşılar Oñtüstik Şığıs Aziyada jaña wstanımdarmen terrorlıq äreketterge köşui mümkin eken. Bwl turalı «The Wall Street Journal» basılımı habarlap otır.

Harris bwl pikirin särsenbi küni Avstraliyanıñ Strategiyalıq sayasat institutında söylegen sözinde ortağa saldı. Ol sözinde «Islam memleketi» adamzattıñ jauı, olar Irak pen Süriyanıñ bügingi küyine tikeley sebepker, sonımen birge mwsılman elderiniñ ıdırauına alıp keledi dedi.

Filippin äskerleri älde qaşan eldiñ oñtüstigindegi  Malavi Mindanao qalasında jäne özge de «Islam memleketi» wyımımen baylanısı bar öñirlerde terrorlarmen küres jürgizgeli bir aydan asa uaqıt boldı. Bülikşiler Filippinniñ oñtüstiginde Halifat ornatuğa tırısıp keledi. Indoneziya bastap, Malayziya, Yemen jäne Saud Arabiyasınıñ lañkesteri de soğısqa kirude. Oñtüstik-Şığıs Aziya elderi men Avstraliya ükimetteri bwğan ülken alañdauşılıq bildirip otır.

Harristiñ aytuınşa, Malavi oqiğası Oñtüstik-Şığıs Aziya men Avstraliyağa saqtıq dabılın qağıp otır. Olar Orta-Şığıstağı qoldanğan terrorlıq şabuıl täsilderin Malavi Mindanao jerinde qaytaladı. Onıñ üstine bwl oqiğanıñ auqımdılığı «Islam memleketi» wyımı müşelerin küş biriktiruge şabıttandıradı.

“The Qazaq Times”