"Sad" zımıranğa qarsı jüyesiniñ ornatıluına qarsı korey azamatı. Foto: The Wall Street Journal.

Oñtüstik Koreya Sırtqı ister ministrligi habarlama jariyalap, prezident Mün Ja-in asa daulı bolğan AQŞ zımıranğa qarsı jüyesin anıqtauğa bwyrıq şığaruı, Oñtüstik Koreyanıñ atalğan zımıranğa qarsı jüyeden bas tartuı nemese özgeris engizu degendi bildirmeytinin ayttı. Oñtüstik Koreya prezidentiniñ AQŞ saparı osı aptada bolmaq. Bwl soñğı kezdegi älemdegi liderlerdiñ resmi saparları arasında eleulilerdiñ bir boladı. Al, Koreyanıñ aldın ala jasağan mälimdemesi AQŞ prezidentiniñ kezdesu kezindegi rayın bäseytu üşin jasaldı deuge boladı.

“The Wall Street Journal” basılımınıñ habarlauınşa, Oñtüstik Koreyanıñ sırtqı ister ministri Kañ Kioñ Ha düysenbi küni atalğan mälimdemeni jasadı. Qazir eki elderdegi közqaraqtı twlğalar AQŞ pen Koreya basşıları kezdesui kezinde pikir alşaqtığı tuınday ma dep alañdauda. Al, Koreya SİM basşısınıñ mälimdemesi de osı kereğarlıqtıñ aldın alu nemese salmağın jeñildetu üşin bolıp otır.  Mün Ja-In Koreyanıñ soñğı on jıl işindegi birden bir solşıl prezidenti bolıp tabıladı. Al onıñ AQŞ saparı osı aptanıñ beysenbi jäne jwma künderinde bolmaq.

Soltüstik Koreyanıñ yadrolıq jäne zımıran quatınıñ qarqındı artuı sırtıq elderdi qattı alañdattı. Äsirese, AQŞ pen Korey tübegi aynalasındağı elderdi. Oñtüstik Koreya prezidenti birer ay bwrın mindetin qabıldap ala salısımen Soltüstik Koreyamen qarım-qatınastı jaqsartuğa tırısıp baqtı. Bwl oyın ekonomikalıq ıntımaqtastıq arqılı jüzege asırmaq boldı. Biraq, bwl qadam Uaşington tarabın alañğa saldı. Korey tübegindegi odaqtası Soltüstik Koreyamen tığız qarım-qatınas ornatuı AQŞ-qa wnamaytını aydan anıq edi.

Düysenbi küni Oñtüstik Koreya SİM basşısı mälimdemesinde bwl alañdauşılıq turalı anıq rastadı. Ol jaña ükimet ornağalı beri quattı kelissöz wstanımında kele jatqanın ayttı. Kañ Kioñ Ha hanım sözinde: «Prezident Mün Ja-In Koreya-AQŞ qatınasın «jaqsı» degen beyneden «öte jaqsı» degen deñgeyge damıtuğa tırısatın boladı», – dedi. Al bwl mäseleler turalı Koreyanıñ AQŞ-tağı bas elşisi jurnalisterdiñ swrağına jauap beruden bas tarttı.

“The Qazaq Times”