وڭتۇستىك كورەيا باسشىسى مەن ترامپتىڭ الداعى كەزدەسۋى جۇرتتى الاڭداتىپ وتىر

وڭتۇستىك كورەيا سىرتقى ىستەر مينيسترلىگى حابارلاما جاريالاپ، پرەزيدەنت ءمۇن جا-ين اسا داۋلى بولعان اقش زىمىرانعا قارسى جۇيەسىن انىقتاۋعا بۇيرىق شىعارۋى، وڭتۇستىك كورەيانىڭ اتالعان زىمىرانعا قارسى جۇيەدەن باس تارتۋى نەمەسە وزگەرىس ەنگىزۋ دەگەندى بىلدىرمەيتىنىن ايتتى. وڭتۇستىك كورەيا پرەزيدەنتىنىڭ اقش ساپارى وسى اپتادا بولماق. بۇل سوڭعى كەزدەگى الەمدەگى ليدەرلەردىڭ رەسمي ساپارلارى اراسىندا ەلەۋلىلەردىڭ ءبىر بولادى. ال، كورەيانىڭ الدىن الا جاساعان مالىمدەمەسى اقش پرەزيدەنتىنىڭ كەزدەسۋ كەزىندەگى رايىن باسەيتۋ ءۇشىن جاسالدى دەۋگە بولادى.

“The Wall Street Journal” باسىلىمىنىڭ حابارلاۋىنشا، وڭتۇستىك كورەيانىڭ سىرتقى ىستەر ءمينيسترى كاڭ كيوڭ حا دۇيسەنبى كۇنى اتالعان مالىمدەمەنى جاسادى. قازىر ەكى ەلدەردەگى كوزقاراقتى تۇلعالار اقش پەن كورەيا باسشىلارى كەزدەسۋى كەزىندە پىكىر الشاقتىعى تۋىنداي ما دەپ الاڭداۋدا. ال، كورەيا ءسىم باسشىسىنىڭ مالىمدەمەسى دە وسى كەرەعارلىقتىڭ الدىن الۋ نەمەسە سالماعىن جەڭىلدەتۋ ءۇشىن بولىپ وتىر.  مۇن جا-ين كورەيانىڭ سوڭعى ون جىل ىشىندەگى بىردەن ءبىر سولشىل پرەزيدەنتى بولىپ تابىلادى. ال ونىڭ اقش ساپارى وسى اپتانىڭ بەيسەنبى جانە جۇما كۇندەرىندە بولماق.

سولتۇستىك كورەيانىڭ يادرولىق جانە زىمىران قۋاتىنىڭ قارقىندى ارتۋى سىرتىق ەلدەردى قاتتى الاڭداتتى. اسىرەسە، اقش پەن كورەي تۇبەگى اينالاسىنداعى ەلدەردى. وڭتۇستىك كورەيا پرەزيدەنتى بىرەر اي بۇرىن مىندەتىن قابىلداپ الا سالىسىمەن سولتۇستىك كورەيامەن قارىم-قاتىناستى جاقسارتۋعا تىرىسىپ باقتى. بۇل ويىن ەكونوميكالىق ىنتىماقتاستىق ارقىلى جۇزەگە اسىرماق بولدى. بىراق، بۇل قادام ۋاشينگتون تارابىن الاڭعا سالدى. كورەي تۇبەگىندەگى وداقتاسى سولتۇستىك كورەيامەن تىعىز قارىم-قاتىناس ورناتۋى اقش-قا ۇنامايتىنى ايدان انىق ەدى.

دۇيسەنبى كۇنى وڭتۇستىك كورەيا ءسىم باسشىسى مالىمدەمەسىندە بۇل الاڭداۋشىلىق تۋرالى انىق راستادى. ول جاڭا ۇكىمەت ورناعالى بەرى قۋاتتى كەلىسسوز ۇستانىمىندا كەلە جاتقانىن ايتتى. كاڭ كيوڭ حا حانىم سوزىندە: «پرەزيدەنت ءمۇن جا-ين كورەيا-اقش قاتىناسىن «جاقسى» دەگەن بەينەدەن «وتە جاقسى» دەگەن دەڭگەيگە دامىتۋعا تىرىساتىن بولادى»، – دەدى. ال بۇل ماسەلەلەر تۋرالى كورەيانىڭ اقش-تاعى باس ەلشىسى جۋرناليستەردىڭ سۇراعىنا جاۋاپ بەرۋدەن باس تارتتى.

“The Qazaq Times”