Otto Vombierdiñ Soltüstik Koreya sotında otırğan kezi. Foto: The Wal Street Journal.

Jaqında ğana Soltüstik Koreya türmeden şığarğan amerikalıq student Otto Vombier düysenbi küni köz jwmdı. Vombier osığan deyin Soltüstik Koreyada bir jıldan asa uaqıt qamaqta bolğan. Ötken aptada ğana AQŞ tarabınıñ swratuımen qamaqtan bosatılıp, eline qaytarılğan bolatın. Vombier eline jetkizilgen kezde därigerler onıñ miı qattı zaqımdalğanın mälimdegen. Bwl turalı «The Wall Street Journal» basılımı habarlap otır.

Vombierdiñ ata-anası jäne özgede tuıstarı baspasöz konferenciyasında, wldarınıñ düysenbi küni tüsten keyin (AQŞ jergilikti uaqıtımen) köz jwmğanın ayttı. Cincinnati medicinalıq ortalığınıñ därigerleri bergen mälimetinde Vombierdiñ ülken mi qızmeti älde qaşan «ölgen» delingen. Al bwl därigerler Vombierdi osıdan altı kün bwrın  AQŞ-qa jetkizilgennen keyin emdeuge alğan.

Otto Vombier AQŞ-tıñ Virdjiniya universitetiniñ studenti. Ol 2016 jılı qañtarda Pioñyañ (Phen'yan) äuejayınan wşqalı twrğan jerinde Soltüstik Koreya ükimeti jağınan qolğa alınğan. Sot ükimi oğan 15 jıldıq qatañ türdegi qamaq jazasın kesken. Oğan  "KHDR rejimine qarsı sayasi ügit nasihat jürgizdi" dep ayıp tağılğan.

AQŞ prezidenti Donal'd Tramp Vombierdiñ otbasına köñil aytu hatın jiberdi. Tramp bwl hatında: «Vombierdiñ tağdırı mwnday rejimderdiñ nemese adam qwqığın ayaq astı etetin elderdiñ qolında jazıqsız qaza tabatın mwnday qayğılı jağdaylardıñ qaytalanbauı üşin, ükimettiñ bwl mäseleni qadağalauın nığayta tüsetin boladı», – dedi. Sonday-aq, ol bwl üşin Soltüstik Koreyağa qatal ayıp tağatının da aytıp ötken.

“The Qazaq Times”