Türik jäne Tunis SİM basşıları. Foto: "Türik Tele-Radio".

Katar dağdarısı bastalğalı beri, Türkiya jaq belsendi ara-ağayındıq jasap keledi. Türik prezidenti Erdoğan da bwl iske belsene kiriskeni bayqaladı. «Anatolı» aqparattıq agenttiginiñ habarına qarağanda, Türkiyağa saparlay barğan Tunis sırtqı ister ministrimen kezdesken Türkiya SİM basşısı Mävlut Çavşoğlw da Türkiyanıñ Katar dağdarısın jaqsartuğa barın salatının aytqan.

Türik SİM basşısı sözinde: «Biz bauırlas elder arasındağı diplomatiya dağdarısın jaqsartuğa, şın nietimizben küş salıp kelemiz. Bwl kezekte Tunis te öziniñ oñ ıqpalın körsetip otır. Degenmen mwsılmandardıñ qasietti ayında keybir arab elderiniñ bauırlas Katarğa mwnday qısım jasauı mwsılmandıqqa jat», – dedi.

Eki el ministrleri bir auızdan Katar dağdarısın oñau üşin Şığanaq ıntımaqtastıq keñesinde ortaq talqılap, kelissözder arqılı ğana şeşiledi dep taptı. Tunis jaq atalğan mäseleni şeşude Türkiyanıñ wstanımın tolıqtay qoldaytının jetkizdi.

“The Qazaq Times”