Foto: Forbes

Qazaqstannıñ mwnay qorındağı taza qarjı aktivteri öte jıldam tausılıp qaluı ğajap emes. Mwnday mälimdemeni Düniejüzilik banktiñ Ortalıq Aziyadağı  ekonomisi Hristos Kostopulos Astana ekonomikalıq forumında mälimdedi.

Onıñ tüsindiruinşe, eger memleket ekonomikalıq sayasatın özgertpese jäne mwnay qorınıñ jaña tranzakciyaları engizilmese bwl boljam iske asuı mümkin. Sonday-aq, memlekettiñ mwnay aktivterine qatıstı swraq tuınday beredi.

"Keybir sarapşılar bwl Qazaqstan üşin uaqıtşa qwbılıs bolatının aytadı. Ärine mwnay resurstarın ekonomika üşin investiciyalağanı aqılğa qonımdı. Alayda bar mäsele onıñ qanday qarqınmen jüzege asırılıp jatqanında bolıp twr. Bizdiñ bayqauımızşa, 2008-2016 jıldar aralığında JİÖ-degi mwnay ülesi 10-15%-dı qwradı. Eldiñ mwnaydı qoldanu qabilettiligin eskerer bolsaq, bwl ülken körsetkiş. Sondıqtan qor öte jıldam azayıp ketui mümkin", - dedi ol.

Sonday-aq, spiker jemqorlıq bastı mäselelerdiñ biri bolıp qala beretinin ayttı. Onıñ sözinşe, qarjığa qatıstı qılmıstar memlekettik satıp alular boyınşa jäne käsipkerler men azamattar arasında köp bolıp otır."Negizgi retteu jwmıstarı memlekettik qarjını jwmsau jolın özgertuden bastalu kerek. Jeke sektordıñ damuı mañızdı. Mwnay bağası qwldırap jatqanda ekonomika qwrılımın özgertu kerek", - deydi Kostopulos.Bwdan bölek ol aldağı uaqıtta Qazaqstanda tölenbegen qarızdar köp bolğannıñ özinde kreditteu kölemi ösui mümkin ekenin atap ötti.

“The QazaqTimes”