Foto: akorda.kz

Qazaqstan Prezidenti Nwrswltan Nazarbaev BAQ ökilderine wyımdastırılğan brifingte  Qazaqstan men Gruziya arasında tatu körşilik pen twraqtı qarım-qatınas ornıqqanın atap ötti.

– Bügin osı jüzdesudiñ bolğanına quanıştımız. Gruziya Prezidenti Georgiy Margvelaşvilidiñ saparı düniejüzilik «EKSPO-2017» körmesiniñ aşıluına oraylas keldi. Sonıñ ayasında Gruziya pavil'onı aşıladı. Qazaqstan men Gruziya arasındağı bügingi qarım-qatınastar twraqtı sipatqa ie bolıp otır. Biz tarihi, dostıq ıntımaqtastığımızdı eşqaşan üzgen emespiz, – dedi Memleket basşısı.

Qazaqstan Prezidenti auqımı keñ mäseleler boyınşa kelissözder barısında «Bir beldeu, bir jol» bastaması ayasında özara tiimdi is-qimıl jasau mümkindikteri qarastırılğanın ayttı.

Gruziyanı Qazaqstan siyaqtı tranzittik memleketke aynaldıruğa mümkindik barın esekere otırıp, Qara teñiz arqılı Europağa şığuğa boladı. Gruziya arqılı ötetin gaz ben mwnay kölik dälizderi de bar. Osığan oray Qazaqstan kompaniyalarına tiesili Batumi mwnay terminalı men portınıñ mümkindikteri talqılandı.

Memleket basşısı bwl jol barlıq müddeli elder üşin paydalı bolatının jäne onıñ Qazaqstannıñ kölik äleuetin arttıra tüsetinin ayttı. Bwdan bölek, Nwrswltan Nazarbaev gumanitarlıq jäne bilim salalarına qatıstı qol jetkizilgen uağdalastıqtar turalı äñgimeledi.

“The Qazaq Times”