Katif qalasındağı kölikti küzet qızmetkeri. Foto: Türik Tele-Radio qızmeti.

Saud Arabiyasınıñ şığısındağı şiitter köbirek twratın Katif aymağında soñğı kezderi lañkestik şabuıldar jii tuıluda dep habarlaydı «Türik Tele-Radio» qızmetiniñ resmi saytı.

Äl-Katif qalasında osıdan bir kün bwrın lañkestik şabuıl orın aldı. Qaladağı qarulı küşterdiñ kölikti küzet-barlau qızmetindegi bir bölimşege jasalğan şabuıldan bir adam qaza bolıp, eki adam jaralanğan.

Saud Arabiyasınıñ İİM jasağan mälimdeme boyınşa, bwl lañkestik şabuıl retinde tirkelip, qaladağı küzet qızmeti küşeytilgen. Jaralı bolğan äskeriler emdeuge alınğan. «Pars.Aqparattıñ» habarlauınşa şabuıl kölikke bomba qoyu arqılı jasalğan. Bwl aqparat közderi boyınşa, eldiñ şığısın mekendegen şiitterge qısım jasau üşin arnayı wyımdastırılğan degen de pikir bar.

“The Qazaq Times”