Irakta jappay narazılıq şaraları küşeyip twrğan twsta Irannıñ ruhani kösemi Irak şiitterin qoldaytının jetkizdi. Ol mälimdemesinde jaratuşı jäne payğambarğa (Şiitter Huseyndi payğambar twtqan) degen senim eki el halqın biriktiretinin aytqan.

Irannıñ Fars New aqparat agenttiginiñ habarına qarağanda, «Tvitter» arqılı jazbaşa mälimdeme jariyalağan ayatolla Hameney Iran men Irak halqı kün sayın birligi artıp kele jatqanın aytqan. «Allağa degen iman men imam Huseynge degen mahabbat eki el halqın kün sayın jaqındata tüsedi», – degen Iran ruhani kösemi.

Irak Sadam Huseyn biligi kezinde şiitterdiñ ıqpalına küşti qarsılıq tanıtqan. Alayda, Irak soğısınan keyin Sadam Huseyn bilikten qwlatılıp, elde dağdarıs küşeydi. Qazirgi kezde Bağdat biligi Irannıñ ıqpalına qarsı tosqauıl qoyuğa därmensiz.

Kezekti bwlğaq ta eldiñ oñtüstigindegi şiitter aymağınan kütpegen jerden bastalıp, köp ötpey twtas elge taralğan. Keybir sarapşılar lidersiz qozğalıstardıñ artında Iran qoldağan toptardıñ twruı da mümkin ekenin aytadı.

“The Qazaq Times”