Foto: YouTube

Adamdar  önertabıstıñ keremettiligiy aytqandı jaqsı köredi, alayda qanday da bir zattı is-täjiribede engizip kördiñiz be?

Köbine ömirge kelgen  jañalıqtar, bwyım nemese tehnologiya, aldına tap bolğan qiındıqtar äserinen äri qaray damuın toqtatadı.

Biraq soğan qaramastan, köptegen qoldanılıp jürgen zattarımız bireudiñ boljamı men qiyalınan payda bolğan ğoy. Mwnday adamdar qoğamdı ädetten tıs qılıqtarımen barşanı tañdandırıp,tipti psihikalıq twraqtılığı jayında kümän keltirse de, öz oyına bükil ıntasımen berilgender edi. Sebebi müldem jaña zattı oylap tabu üşin, ömirge erekşe, dästürden tıs közqaras iegeri bolu şart.

Kez-kelgen brendtiñ tarihı qızıqtı. Al jetistikterge jetken brendtiki – eki ese qızıq. Tabısqa jetken önimniñ tarihın aytıp beru mümkin bolmasa – ol brend bola almas. Endeşe nazarlarıñızğa älemdik narıqta brend bolıp qalıptasqan Gillette wstarasınıñ tarihın wsınamız.

Gillette logotipiniñ är jıldarda özgerui. Foto: brandreport.ru

Bwl brend - erkektermen äyelderge arnalğan tek qırınu wstarası ğana emes, oğan qosa bir ret qana paydalanılatın önimderdiñ nışanı.

Öytkeni King Kemp Jillet negizin qwrğan kompaniyanıñ arqasında, adamdar qımbat emes, bir ret qana paydalanılıp tastaytın tauarlarğa üyrene bastadı. Bügingi küni, bir ret paydalanılıp tastalınatın zattar bizdiñ ömirimizge keñinen engen. Alayda, 20-şı ğasırdıñ basında mwnday wğımnıñ özi oyğa qonımsız edi.

 

Gillete brendin qalıptastırğan King Kemp Jillet Foto:brandreport.ru

King Kemp Jillet 1855 jılı Viskonsin ştatınıñ Fon-dyu-Lak qalasında düniege kelgen. Bir ret paydalanılatın wstaranıñ düniege kelui K.K.Jillettiñ wstarası kezekti ret mwqalıp qalğan kezdeysoq oqiğa sebebinen tuındadı. Aynanıñ aldında twrıp ol köz aldında arzan, äri auıstırmalı jüzderi bar, özimen birge kez-kelgen jerge alıp jüruge ıñğaylı, kişirek, äri qauipsiz wstaranı elestetti.

Foto: brandreport.ru

Biraq bwl oydı iske asıru barısında birneşe qiındıqtar tuındadı. Auıstırmalı jüzder öte ötkir äri berik jäne jwqa boluı tiis edi. Ol üşin arnayı bolat jäne erekşe qayrau tehnologiyası qajet edi. Altı jılday K.K.Jillet türli önertapqıştarmen bwl jauaptıñ şeşimin izdedi. Aqırı, ol injener Uil'yam Nikersonnıñ arqasında bolat lentasın tez äri sapalı qayrau ädisin tabadı. Tehnikalıq jaqtıñ şeşilgennen keyin K.K.Jillet sauda jağın jandandıradı.

1903 jılı nebäri 168 wstara satıladı. Satılıp aluşılar wstaranıñ ıñğaylılığın tez wğınıp kelesi jıldıñ satılım körsetkişi 90 000 danağa jetedi. Sol jıldarı keñ auqımdı jarnamalau nauqandarı jürgiziledi.

Gillete-tiñ alğaşqı jarnamaları, Foto: brandreport.ru

Wstaranıñ köbi halıqqa tegin taratılıp, jüzderdi satu arqılı tabıs tauıp birneşe jılda tabıstı kompaniya boldı. Sol kezdegi eñ iri swranıs 1918 jılı AQŞ ükimetinen tüsti, olar Birinşi Düniejüzilik soğısqa qatısqan sarbazdarğa 36 million jüz satıp aladı. 20-ğasırdıñ soñında Gillette kompaniyası bir ret paydalanılatın tauarlardıñ mıñdağan türin şığaratın.

Foto: brandreport.ru

Al 2005 jılı Gillette kompaniyasın Procter & Gamble kompaniyası 57 milliard dollar tölep öz qwramına qosıp aldı. Degenmen bwl brend öziniñ qwnın joğaltqan joq. Älemge tanımal, äri swranısqa ie qwral bolıp qala beredi.

Botajan Qabılbekova

“The Qazaq Times”