ادامدار ونەرتابىستىڭ كەرەمەتتىلىگىy ايتقاندى جاقسى كورەدى، الايدا قانداي دا ءبىر زاتتى ءىس-تاجىريبەدە ەنگىزىپ كوردىڭىز بە؟
كوبىنە ومىرگە كەلگەن جاڭالىقتار، بۇيىم نەمەسە تەحنولوگيا، الدىنا تاپ بولعان قيىندىقتار اسەرىنەن ءارى قاراي دامۋىن توقتاتادى.
بىراق سوعان قاراماستان، كوپتەگەن قولدانىلىپ جۇرگەن زاتتارىمىز بىرەۋدىڭ بولجامى مەن قيالىنان پايدا بولعان عوي. مۇنداي ادامدار قوعامدى ادەتتەن تىس قىلىقتارىمەن بارشانى تاڭداندىرىپ،ءتىپتى پسيحيكالىق تۇراقتىلىعى جايىندا كۇمان كەلتىرسە دە، ءوز ويىنا بۇكىل ىنتاسىمەن بەرىلگەندەر ەدى. سەبەبى مۇلدەم جاڭا زاتتى ويلاپ تابۋ ءۇشىن، ومىرگە ەرەكشە، داستۇردەن تىس كوزقاراس يەگەرى بولۋ شارت.
كەز-كەلگەن برەندتىڭ تاريحى قىزىقتى. ال جەتىستىكتەرگە جەتكەن برەندتىكى – ەكى ەسە قىزىق. تابىسقا جەتكەن ءونىمنىڭ تاريحىن ايتىپ بەرۋ مۇمكىن بولماسا – ول برەند بولا الماس. ەندەشە نازارلارىڭىزعا الەمدىك نارىقتا برەند بولىپ قالىپتاسقان Gillette ۇستاراسىنىڭ تاريحىن ۇسىنامىز.
Gillette لوگوتيپىنىڭ ءار جىلداردا وزگەرۋى. فوتو: brandreport.ru
بۇل برەند - ەركەكتەرمەن ايەلدەرگە ارنالعان تەك قىرىنۋ ۇستاراسى عانا ەمەس، وعان قوسا ءبىر رەت قانا پايدالانىلاتىن ونىمدەردىڭ نىشانى.
ويتكەنى كينگ كەمپ جيللەت نەگىزىن قۇرعان كومپانيانىڭ ارقاسىندا، ادامدار قىمبات ەمەس، ءبىر رەت قانا پايدالانىلىپ تاستايتىن تاۋارلارعا ۇيرەنە باستادى. بۇگىنگى كۇنى، ءبىر رەت پايدالانىلىپ تاستالىناتىن زاتتار ءبىزدىڭ ومىرىمىزگە كەڭىنەن ەنگەن. الايدا، 20-شى عاسىردىڭ باسىندا مۇنداي ۇعىمنىڭ ءوزى ويعا قونىمسىز ەدى.
Gilletە برەندىن قالىپتاستىرعان كينگ كەمپ جيللەت فوتو:brandreport.ru
كينگ كەمپ جيللەت 1855 جىلى ۆيسكونسين شتاتىنىڭ فون-ديۋ-لاك قالاسىندا دۇنيەگە كەلگەن. ءبىر رەت پايدالانىلاتىن ۇستارانىڭ دۇنيەگە كەلۋى ك.ك.جيللەتتىڭ ۇستاراسى كەزەكتى رەت مۇقالىپ قالعان كەزدەيسوق وقيعا سەبەبىنەن تۋىندادى. اينانىڭ الدىندا تۇرىپ ول كوز الدىندا ارزان، ءارى اۋىستىرمالى جۇزدەرى بار، وزىمەن بىرگە كەز-كەلگەن جەرگە الىپ جۇرۋگە ىڭعايلى، كىشىرەك، ءارى قاۋىپسىز ۇستارانى ەلەستەتتى.
فوتو: brandreport.ru
بىراق بۇل ويدى ىسكە اسىرۋ بارىسىندا بىرنەشە قيىندىقتار تۋىندادى. اۋىستىرمالى جۇزدەر وتە وتكىر ءارى بەرىك جانە جۇقا بولۋى ءتيىس ەدى. ول ءۇشىن ارنايى بولات جانە ەرەكشە قايراۋ تەحنولوگياسى قاجەت ەدى. التى جىلداي ك.ك.جيللەت ءتۇرلى ونەرتاپقىشتارمەن بۇل جاۋاپتىڭ شەشىمىن ىزدەدى. اقىرى، ول ينجەنەر ۋيليام نيكەرسوننىڭ ارقاسىندا بولات لەنتاسىن تەز ءارى ساپالى قايراۋ ءادىسىن تابادى. تەحنيكالىق جاقتىڭ شەشىلگەننەن كەيىن ك.ك.جيللەت ساۋدا جاعىن جانداندىرادى.
1903 جىلى نەبارى 168 ۇستارا ساتىلادى. ساتىلىپ الۋشىلار ۇستارانىڭ ىڭعايلىلىعىن تەز ۇعىنىپ كەلەسى جىلدىڭ ساتىلىم كورسەتكىشى 90 000 داناعا جەتەدى. سول جىلدارى كەڭ اۋقىمدى جارنامالاۋ ناۋقاندارى جۇرگىزىلەدى.
Gillete-ءتىڭ العاشقى جارنامالارى، فوتو: brandreport.ru
ۇستارانىڭ كوبى حالىققا تەگىن تاراتىلىپ، جۇزدەردى ساتۋ ارقىلى تابىس تاۋىپ بىرنەشە جىلدا تابىستى كومپانيا بولدى. سول كەزدەگى ەڭ ءىرى سۇرانىس 1918 جىلى اقش ۇكىمەتىنەن ءتۇستى، ولار ءبىرىنشى دۇنيەجۇزىلىك سوعىسقا قاتىسقان ساربازدارعا 36 ميلليون ءجۇز ساتىپ الادى. 20-عاسىردىڭ سوڭىندا Gillette كومپانياسى ءبىر رەت پايدالانىلاتىن تاۋارلاردىڭ مىڭداعان ءتۇرىن شىعاراتىن.
فوتو: brandreport.ru
ال 2005 جىلى Gillette كومپانياسىن Procter & Gamble كومپانياسى 57 ميلليارد دوللار تولەپ ءوز قۇرامىنا قوسىپ الدى. دەگەنمەن بۇل برەند ءوزىنىڭ قۇنىن جوعالتقان جوق. الەمگە تانىمال، ءارى سۇرانىسقا يە قۇرال بولىپ قالا بەرەدى.
بوتاجان قابىلبەكوۆا
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى