Tramp jäne onıñ senimdi jaqtası AQŞ Ädilet ministri Saşens. Foto: twitchy.com.

Aqparat közderiniñ aytuınşa, AQŞ ädilet ministri Jef Saşens (Jeff Sessions) soñğı aptalarda öziniñ otstavkağa ketetini turalı ötiniş bildirgen. Ol bwl şeşimge Ädilet departamentiniñ Reseydiñ 2016 jılğı AQŞ prezident saylau isine aralasuı men Tramp komandasınıñ Reseymen baylanısı turalı tekseru isine aralaspauı üşin jasağan degen derek bar.

«The Wall Street Journal» basılımınıñ habarı boyınşa, bwl derekterdi jetkizuşi atı-jönin bildirmegen Aqüy şendisi sözinde: «Bwl resmi derek emes. Olar äli otstavkağa ketu ötinişin bergen joq. Öz basım Ädilet ministriniñ otstavkağa ketuin qalamas edim», – deydi. Saşens bolsa saylaudan bwrınğı Tramptıñ senimdi jaqtauşılarınıñ biri bolıp sanaladı. Onıñ üstine Saşenstiñ otstavkağa ketu josparı qısqa merzimge josparlanıp otırğan joq. Al, Tramp pen Aqüy ökilderi Ädilet ministrleriniñ bwlay öz qızmetinen bas tartuın qoldap otırğan sıñay tanıtpaydı.

Osığan deyin Senattıñ baqılauşı komiteti aldağı eki künde qarqındı tekseru qızmetin jolğa qoyatının aytqan bolatın. Bwl Tramp ükimettiniñ Reseymen baylanısın tekserudi de öz işine aladı. Al oğan qazirgi jäne bwrınğı Ädilet departamentiniñ qızmetkerin ayğaq retinde tartqalı otır.

Aqüy mälimdemeşisi Şon Spayser seysenbi küngi Aqüy baspasöz mäjilisinde Ädilet ministriniñ senimdiligi turalı swraqtarğa jauap bergen joq. Tek bwl mäsele töñireginde prezidentpen dialogta bolmağanın ğana ayttı.

“The Qazaq Times”