ترامپتىڭ تاعى ءبىر سەنىمدى جاقتاسى وتستاۆكاعا كەتۋى مۇمكىن

اقپارات كوزدەرىنىڭ ايتۋىنشا، اقش ادىلەت ءمينيسترى جەف ساشەنس (Jeff Sessions) سوڭعى اپتالاردا ءوزىنىڭ وتستاۆكاعا كەتەتىنى تۋرالى ءوتىنىش بىلدىرگەن. ول بۇل شەشىمگە ادىلەت دەپارتامەنتىنىڭ رەسەيدىڭ 2016 جىلعى اقش پرەزيدەنت سايلاۋ ىسىنە ارالاسۋى مەن ترامپ كومانداسىنىڭ رەسەيمەن بايلانىسى تۋرالى تەكسەرۋ ىسىنە ارالاسپاۋى ءۇشىن جاساعان دەگەن دەرەك بار.

«The Wall Street Journal» باسىلىمىنىڭ حابارى بويىنشا، بۇل دەرەكتەردى جەتكىزۋشى اتى-ءجونىن بىلدىرمەگەن اقۇي شەندىسى سوزىندە: «بۇل رەسمي دەرەك ەمەس. ولار ءالى وتستاۆكاعا كەتۋ ءوتىنىشىن بەرگەن جوق. ءوز باسىم ادىلەت ءمينيسترىنىڭ وتستاۆكاعا كەتۋىن قالاماس ەدىم»، – دەيدى. ساشەنس بولسا سايلاۋدان بۇرىنعى ترامپتىڭ سەنىمدى جاقتاۋشىلارىنىڭ ءبىرى بولىپ سانالادى. ونىڭ ۇستىنە ساشەنستىڭ وتستاۆكاعا كەتۋ جوسپارى قىسقا مەرزىمگە جوسپارلانىپ وتىرعان جوق. ال، ترامپ پەن اقۇي وكىلدەرى ادىلەت مينيسترلەرىنىڭ بۇلاي ءوز قىزمەتىنەن باس تارتۋىن قولداپ وتىرعان سىڭاي تانىتپايدى.

وسىعان دەيىن سەناتتىڭ باقىلاۋشى كوميتەتى الداعى ەكى كۇندە قارقىندى تەكسەرۋ قىزمەتىن جولعا قوياتىنىن ايتقان بولاتىن. بۇل ترامپ ۇكىمەتتىنىڭ رەسەيمەن بايلانىسىن تەكسەرۋدى دە ءوز ىشىنە الادى. ال وعان قازىرگى جانە بۇرىنعى ادىلەت دەپارتامەنتىنىڭ قىزمەتكەرىن ايعاق رەتىندە تارتقالى وتىر.

اقۇي مالىمدەمەشىسى شون سپايسەر سەيسەنبى كۇنگى اقۇي ءباسپاسوز ماجىلىسىندە ادىلەت ءمينيسترىنىڭ سەنىمدىلىگى تۋرالى سۇراقتارعا جاۋاپ بەرگەن جوق. تەك بۇل ماسەلە توڭىرەگىندە پرەزيدەنتپەن ديالوگتا بولماعانىن عانا ايتتى.

“The Qazaq Times”