PYD/YPG tobındağı kürd äyelderi. Foto: Jewish Policy Center.

Tramp AQŞ-tıñ 2018 jılğı qorğanıs byudjetinen 500 mln dollardı Süriyadağı terrorlıq toptarğa böluge bwyırğan. Tramp biligi aldağı jılı Irak pen Süriyada «Jattıqtıru jäne jabdıqtau» bağdarlaması üşin 1 milliard 769 million dollar böludi josparlap otır. Bwl turalı «Türik Tele-Radio» qızmetiniñ resmi saytı mälimdedi.

AQŞ jalpı sırtqı äskeri operaciyalar üşin 64 mlrd AQŞ dolların dayındap otır. Sonıñ işinde 1 mlrd 269 mln qarjını Iraktağı operaciyalarğa, qalğan 500 millionın Süriyadağı PKK bölşekteuşi terrorlıq tobına berudi josparladı. Bwl mälimetter AQŞ Qorğanıs departamentiniñ byudjet basqaruğa qatıstı bir qwjatınan alınğan.

Qwjatta Süriyada DAIŞ-pen küresu üşin 25 mıñ qarulı adamnıñ dayındalğanın, al 5 mıñ adam dayındıq üstinde ekeni aytılğan. Bölinetin 500 million dollardıñ 393 millionı qaru-jaraqpen qamdauğa jwmsalmaq. «Jattıqtıru jäne jabdıqtau» bağdarlaması ayasında beriletin qarular arasında auır ot küşi qarularda bar.

Qwjatta osı qarjınıñ bölinetin nısanı «Tekseruden ötken Süriya oppoziciyası» dep atalğanımen, kömektiñ köbi bölşekteuşi kürd terror wyımı PKK-niñ Süriyadağı bölimşesi PYD/YPG toptarına berilmek.

“The Qazaq Times”