PYD/YPG توبىنداعى كۇرد ايەلدەرى. فوتو: Jewish Policy Center.

ترامپ اقش-تىڭ 2018 جىلعى قورعانىس بيۋدجەتىنەن 500 ملن دوللاردى سۇرياداعى تەررورلىق توپتارعا بولۋگە بۇيىرعان. ترامپ بيلىگى الداعى جىلى يراك پەن ءسۇريادا «جاتتىقتىرۋ جانە جابدىقتاۋ» باعدارلاماسى ءۇشىن 1 ميلليارد 769 ميلليون دوللار ءبولۋدى جوسپارلاپ وتىر. بۇل تۋرالى «تۇرىك تەلە-راديو» قىزمەتىنىڭ رەسمي سايتى مالىمدەدى.

اقش جالپى سىرتقى اسكەري وپەراتسيالار ءۇشىن 64 ملرد اقش دوللارىن دايىنداپ وتىر. سونىڭ ىشىندە 1 ملرد 269 ملن قارجىنى يراكتاعى وپەراتسيالارعا، قالعان 500 ميلليونىن سۇرياداعى PKK بولشەكتەۋشى تەررورلىق توبىنا بەرۋدى جوسپارلادى. بۇل مالىمەتتەر اقش قورعانىس دەپارتامەنتىنىڭ بيۋدجەت باسقارۋعا قاتىستى ءبىر قۇجاتىنان الىنعان.

قۇجاتتا ءسۇريادا دايش-پەن كۇرەسۋ ءۇشىن 25 مىڭ قارۋلى ادامنىڭ دايىندالعانىن، ال 5 مىڭ ادام دايىندىق ۇستىندە ەكەنى ايتىلعان. بولىنەتىن 500 ميلليون دوللاردىڭ 393 ميلليونى قارۋ-جاراقپەن قامداۋعا جۇمسالماق. «جاتتىقتىرۋ جانە جابدىقتاۋ» باعدارلاماسى اياسىندا بەرىلەتىن قارۋلار اراسىندا اۋىر وت كۇشى قارۋلاردا بار.

قۇجاتتا وسى قارجىنىڭ بولىنەتىن نىسانى «تەكسەرۋدەن وتكەن ءسۇريا وپپوزيتسياسى» دەپ اتالعانىمەن، كومەكتىڭ كوبى بولشەكتەۋشى كۇرد تەررور ۇيىمى PKK-ءنىڭ سۇرياداعى بولىمشەسى PYD/YPG توپتارىنا بەرىلمەك.

“The Qazaq Times”