Foto: vestifinance.ru

Soñğı üş jılda Ukrainada 90-ğa juıq bank jabılğan deuge boladı. Eldiñ Wlttıq bankiniñ mälimetinşe, qazirgi kezde respublikada qalğan 90 bank  jwmıs istep jatır.

"2017 jıldıñ basında 96 bank bolğan, 2016 jıldıñ qañtarında 163 bank, al üş jıl bwrın 180 bank jwmıs istegen", - degen mälimet keltiredi Wlttıq bank. 

Qazirgi kezde jwmıs istep jatqan, licenziyası bar 90 banktiñ 38-inde şeteldiñ kapitalı bar, onıñ 5-ui reseylik kapitalğa täueldi , 17 bank 100%-ğa şeteldikterdiki.

"Ukrainskiy vıbor - pravo naroda" qoğamdıq qorına silteme jasağan TASS aqparat agenttigi Wlttıq banktiñ bwrınğı törağası Valeriya Gontarevanıñ bank jüyesin "tazalau" sayasatı rekordtıq şığınğa äkelgenin  mälimdep otır. "Qoldan jasalğan bankti qwldıratu jwmıstarı eldiñ bank jüyesin älsiretti", - deydi qor ökilderi.

Sonday-aq, 2016 jıldan beri Ukrainadağı tölem qabileti tömen bankterdiñ şığını 22,2%-ğa nemese 195,658 mlrd grivenge (şamamen $7 mlrd) deyin köbeyip ketken. Bwğan qosa eldegi bank jüyesiniñ dağdarısqa wşırauı men
Gontarevanıñ wstanğan sayasatına baylanıstı problemalı kreditterdiñ sanı 55,11%-ğa deyin wlğayğan.

“The Qazaq Times”