Milliarderlerge tän bes qarapayım ädet

Aqşa, ataq, baylıq, bilik – bir künde kele salatın dünieler emes. Barlıq istiñ bir bastaması boladı. Qazir älemdegi eñ bay, quattı azamattar bir küni jatıp, ertesi millioner bolıp oyanğan joq. Biraq olardıñ ömirbayandarı men jürip ötken eñbek joldarı turalı estip, bilip, jattap ta alğan şığarmız. Jetistiktiñ qwpiyasın bile twra oğan kez-kelgenniñ qolı jete bermeytini aqiqat. Biraq barınşa tırısıp baqsañ, tübi öziñniñ deginiñe jetesiñ. Dittegen mejege jete almasañ da jerde qalmaytınıñ ras.

Älemdegi eñ bedeldi psihologtar bay, tabıstı adamdarğa tän qasietter men ädetterdi zerttep körgen bolatın. Endi öziñizdiñ boyıñızda osı ädetterdiñ bar-joğın bağamdap köriñiz.

Baylıqtıñ kilti bolatın adamnıñ boyında belgili qasietter men ädetter boladı.

1.  Eñ bay adamdardıñ 85 payızı kün sayın özin-özi jetildirumen aynalısadı eken. Qanşa bilimdi bolıp, ğılımi därejesi jer jarıp twrğanına qaramastan künine jartı sağatın bilim aluğa arnap otıradı. Bwl qasiet qarapayım kitap oqumen şektelmey, qorşağan ortağa, ğılımğa degen ıqılastı arttıradı.

2. Al tabıstı adamdardıñ 76 payızı künine keminde jartı sağatın dene jattığuları men şınığuğa arnaydı eken. Jannıñ jäne tänniñ saulığı kez-kelgen jetistiktiñ bastaması ekeni aqiqat.

3. Jetistikke jetken adamdar aynalasına özine wqsaytın maqsatı ayqın äri ömirge optimistik közqaraspen qaraytın adamdardı jinaydı. Kündelikti basqa da tabıstı, aşıq, alğır adamdarmen aralasu arqılı damıp, jetilip otırıudı jön sanaydı. Tek özi sekildi nemese özinen de mıqtılarmen aralasadı.

4. Bay adamdardıñ barlığı derlik aldarına ayqın maqsattar qoyıp, soğan jetudi mwqiyat qadağalaydı. Maqsatı ayqın adamğa armannıñ asuları da alıs emes.

5. Al milliarderlerdiñ 50 payızı jwmıs uaqıtı bastalğannan 3 sağat bwrın oyanadı eken. Bwl kündelikti belgili bir tärtip pen erejege bağınu qajet ekendigin körsetedi.

“The Qazaq Times”