AQŞ-tıñ jerden basqarılatın wşağı orbitada 718 kün bolıp jerge qaytıp oraldı.

H-37V Orbital Test Vehicle-4 eksperimenttik orbitalıq wşağı 718 kün boyı ğarışta Pentagonnıñ qwpiya opiraciyasın orındap kelgen.

Sarapşılardıñ aytuınşa AQŞ äskeri äue küşteri H-37V Orbital Test Vehicle-4 wşağınıñ bortında iondı qozğaltqış jasauğa jäne ğarış keñistiginde jerdegi materialdardıñ özgeruine täjiribe jasağan.

Eñ alğaş H-37V wşağın sputnikterdi jöndeu maqsatında  1999 jılı NASA men Boeing birlesip jasağan bolatın. Keyinen 2004 jılı bwl joba AQŞ-tıñ äskeri äue küşterine qarastı aldıñğı qatarlı qorğanıs zertteuler agenttiginiñ qaramağına ötken. Osı kezden bastap H-37V jobası Orbital Test Vehicle attı äskeri qwpiyağa ie jobağa auıstırıldı.

H-37V wşağı eñ alğaş 2010 jıldıñ säuir ayında orbitağa şığıp, jeltoqsan ayında qaytıp oralğan. H-37V Orbital Test Vehicle osı uaqıtqa deyin jer orbitasında 4 ret wşıp, 2085 kün bolğan.

Qazirgi tañda AQŞ-tıñ bwl wşağınıñ qwpiya jağdayda saqtaluına baylanıstı. Älemniñ köptegen ğarış salasınıñ sarapşıları H-37V Orbital Test Vehicle wşağı ğarıştağı özge elderdiñ sputnikterin isten şığaruğa, AQŞ-tıñ qarsılastarın ğarıştan barlauğa arnalğan wşaq boluı mümkin dep alañdauşılıq bildirude.

“The Qazaq Times”